EKSPO qonaqtary Jetisý jerin aralaıdy

TALDYQORǴAN. QazAqparat - EKSPO qonaqtary Jetisý jerin aralaıdy. Qazir osy baǵytta arnaıy jumystar atqarylýda. Bul jóninde búgin oblystyq ákimdikte ótken jıynda málim boldy, dep habarlaıdy «QazAqparat» tilshisi.

Mamandardyń aıtýynsha, «EKSPO -2017» halyqaralyq kórmesine keletin qonaqtar Jetisý óńiriniń tabıǵaty kórkem jerlerimen tanysady. Qazir týrısterdiń baratyn baǵyttary aıqyndalyp, belgilengen. Josparǵa sáıkes, meımandar  «Tańbaly»  memlekettik tarıhı-mádenı jáne tabıǵı qoryq-mýzeıi, «Altyn Emel», «Jońǵar Alataýy», «Sharyn» jáne «Kólsaı kólderi» ulttyq parkterine baryp, óńirdiń týrıstik áleýetimen jaqynyraq tanysýǵa múmkindik alady.

Aıta ketý kerek, qazirgi tańda Jetisý jerinde týrızm salasy qarqyndy damyp keledi. Bıyl  43 týrıstik nysan iske qosyldy. Onyń 30-y Alakól aýdanynda. Qazir aımaqtaǵy týrıstik nysandar sany 400-ge jýyqtady. Bul 2015 jylmen salystyrǵanda 30 paıyzǵa artyq.