— Sybaılas jemqorlyqqa qarsy qyzmettiń is júrgizýinde «EKSPO» qarajatyn jymqyrý faktisi boıynsha jeke basy anyqtalmaǵan adamdarǵa qatysty qylmystyq istiń bar ekenin habarlaımyz. Osy tergep-tekserý aıasynda iske qatysy bar barlyq adamdy, onyń ishinde shet eldegi ofshorlyq kompanııalarǵa aqshany shyǵarý faktisin anyqtaýǵa baǵyttalǵan keshendi jedel-tergeý əreketteri júrgizilip jatyr, — dedi Berik Asylov jaýabynda.
Onyń atap ótýinshe, «Astana EKSPO-2017» Ulttyq kompanııasynyń aqsha qarajattaryn jymqyrǵany úshin 23 adam ərtúrli merzimderge bas bostandyqtarynan aıyrýǵa sottalǵan.
— Sottalǵandardyń kinəsi týraly sottyń tujyrymy jan-jaqty zerttelgen shynaıy jəne jol beriletin dəleldemelerge negizdelgen, — dedi ol.
«Astana EKSPO-2017» UK» AQ-tyń burynǵy tóraǵasy Talǵat Ermegııaev Almaty qalasy, Almaty jáne Jetisý oblystary boıynsha QAJ departamenti qaýipsizdigi ortasha № 57 mekemesinde jazasyn ótep jatyr. 2016 jyldyń maýsymynda ol 14 jylǵa sottalyp, múlki tárkilendi.