EKSPO qalashyqtaǵy páterlerdi satý qashan jalǵasady

ASTANA. QazAqparat - «Báıterek» holdınginiń enshiles uıymy - «Báıterek development» AQ 2019 jyldyń 15 aqpanynda «EKSPO - 2017» aýmaǵyndaǵy turǵyn úılerdi qaıta sata bastaıdy, dep habarlaıdy QazAqparat tilshisi uıymnyń baspasóz qyzmetine silteme jasap.

Baspasóz qyzmeti atap ótkendeı, jańa tetiktiń arqasynda baspanalardy 3%-ben 12 jylǵa bólip tóleý arqyly satyp alýǵa bolady.

«Bólip tóleý tetigi boıynsha bir otbasy tek 1 páter ala alady», - delingen habarlamada.

Eske salaıyq, QR Indýstrııa jáne ınfraqurylymdyq damý vıtse-mınıstri Qaıyrbek Óskenbaev EKSPO qalashyqtaǵy páterler satylymyna ótinish qabyldaý protsesiniń nelikten toqtap turǵanyn túsindirgen edi.

Habarlanǵandaı, «Báıterek» holdınginiń enshiles uıymy - «Báıterek development» AQ Astanadaǵy EKSPO turǵyn úı kvartalynda jyljymaıtyn múlikti satyp alýǵa ótinishter qabyldaýdy baspanany satý tetigin qaıta qaraýǵa baılanysty ýaqytsha toqtatqan edi.