EKSPO-da qonaqtarymyz zattaryn urlatsa, álem aldynda masqara bolamyz - Asanov

ASTANA. QazAqparat  - EKSPO kezinde qonaqtarymyz zattaryn urlatyp jatsa álem aldynda masqara bolamyz. Bul týraly búgin  Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysynda QR Bas prokýrory Jaqyp Asanov aıtty.

«Jalpy urlyq bizdiń memleketke úlken shyǵyn keltirip otyr. Kúrestiń ózi de. Al endi oryn alatyn qylmystyń 64 paıyzy ol - urlyq. Halyqtyń mazasyn alatyn, azamattardyń berekesin ketiretin búgingi kúni urlyq bolyp otyr. Azaıar emes, keresinshe ósip keledi. Bul degenimiz ne?  Halyq quqyq qorǵaý organdaryna senbeıdi. Nege senbeıdi? Óıtkeni, tirkelgen urlyqtardyń 70 paıyzy jyl saıyn ashylmaı qalyp jatyr», - dedi Jaqyp Asanov.

Onyń atap ótýinshe, ásirese mal urlyǵy halqymyzǵa, otbasyn asyraımyn dep, mańdaı terin tógip, baryn salyp, júrgen adamdar aýyr soqqy bolýda.

«Erteń Astanada EKSPO bolady. Búkil óńirden azamattarymyz keledi. Shetelden keledi. Erteń olar tonalyp, urlanyp,  jatsa sol kezde álem aldynda masqara bolamyz. Elbasy osyny ylǵı aıtyp keledi, talap etedi. Jalpy biz myna nárseni túsinýimiz kerek. Jappaı urlyqty toqtatpaı bizdiń memleket esh ýaqytty damymaıdy», - dedi Bas prokýror.