EKSPO aýmaǵynda «bomba qoıǵan» adam ustaldy

ASTANA. QazAqparat - Astana qalasy ІІD Jedel basqarý ortalyǵynyń «102» kanalyna kórme aýmaǵynda jarylǵysh qurylǵy ornatylǵan dep belgisiz er adam qońyraý shalǵan. Bul týraly Astana qalasy ІІD baspasóz qyzmeti habarlaıdy.

Jedel-izdestirý sharalaryn ótkizý kezinde qysqa ýaqyt aralyǵynda elordalyq polıtseıler Ońtústik Qazaqstan oblysynyń 32 jastaǵy turǵynyn qolǵa túsirdi. Ol mas kúıinde atalǵan buzaqylyqty jasaǵandyǵyn moıyndady. Medıtsınalyq kýálandyrýdyń qorytyndysyna sáıkes er adamnyń mas  ekendigi anyqtaldy. 

Atalmysh fakt QR QK 273-baby (terrorızm aktisi jóninde jalǵan aqparat taratqany úshin) boıynsha sotqa deıingi tergeýlerdiń biryńǵaı tirkeýine alyndy.

 Ustalǵan kúdikti Ýaqytsha ustaý ızolıatoryna qamaldy. Tergeý júrgizilýde.

Polıtseılerdiń qoldanýyndaǵy zamanaýı tehnologııalardyń arqasynda atalǵan qylmystyq zań buzýshylyqtardy jasaǵandar bir kezekshilik táýliktiń ishinde anyqtalynady. Mundaı áreket qylmystyq jaýapkershilikke ákelip, materıaldyq zalal óndiriledi. 

Aıta keteıik, 2015 jyldyń qańtarynan bastap daıyndalyp jatqan terrorızm aktisi jóninde jalǵan habarlama taratqany úshin qylmystyq jaýakershiliktiń qatańdatylǵandyǵy jáne ol úshin alty jylǵa deıin bas bostandyǵynan aıyrý jazasy kózdelgen. Sonymen qatar, mekemelerdiń jáne uıymdardyń qyzmetiniń jumys kestesin buzǵany úshin jarylǵysh qurylǵy týraly jalǵan qońyraý shalǵan buzaqylardyń materıaldy zalal keltirgeni úshin mıllıondaǵan talap hattar toltyryldy.