EKSPO-2017: Madagaskar Respýblıkasy Ulttyq kúnin atap ótti

ASTANA. QazAqparat - Balamaly energııanyń qaınar kózi Madagaskarda damýdyń úlken múmkindigine ıe. Bul týraly Halyqaralyq mamandandyrylǵan EKSPO-2017 Kórmesiniń aıasynda Madagaskar Respýblıkasynyń Ulttyq kúnin atap ótý barysynda Madagaskardyń jastar isi jáne sport vıtse-mınıstri Robert Randrıanırına málimdedi.

Onyń aıtýynsha, balamaly energııanyń qaınar kózi - elge ınvestıtsııa tartýdyń taptyrmas múmkindigi

«Balamaly energııa kóziniń múmkindigi zor. Kún energııasy týraly aıtar bolsaq, onyń qýattylyǵy 2000kVt/m2 quraıdy, al kóp óńirlerde kún jylyna 2800 saǵat janyp turady. Sondaı aq, jel energııasynyń da áleýeti joǵary. Jel qýatynyń shegi 3 m/sek-tan 25 m/sek-qa deıin aýysady. Shekteýdiń aıasynda energııa soltústik, ońtústik jáne batys araldarda óndirile alady. Bul múmkindik Madagaskarda balamaly energııa kózderiniń tabysty damýy úshin esh qıyndyqsyz qoldanyla alady», - dedi Robert Randrıanırına.

Óz kezeginde, Aqparat jáne kommýnıkatsııa mınıstrliginiń Jaýapty hatshysy Janat Qojahmetov, Kórme qonaqtarynyń balamaly energetıkany damytý salasymen jaqynyraq tanysýǵa erekshe múmkindikteri bar eken atap ótti.

«Kórmeniń bolashaq energııasyna arnalǵan taqyryby óte ózekti. Bir jaǵynan kórme qatysýshylary «jasyl ekonomıka» men balamaly energetıkany damytý salalaryndaǵy jańa úrdistermen tanysa alady», - dedi Janat Qojahmetov.

Aıta keteıik, Madagaskar pavılonynyń qurylymy eldiń energetıkalyq múmkindigin ashady. Onda kún jáne jel energetıkasyn durys qoldanýdyń zamanaýı tehnologııalary tanystyrylǵan.