«EKSPO-2017» kórmesiniń meımandaryna ǵaryshtan sálem joldandy

  ASTANA. QazAqparat - «EKSPO-2017» halyqaralyq kórmesi aıasynda Qyzylorda oblysynyń mádenı kúnderine oraı ótkizilgen «Syrdarııa - Jyrdarııa» gala-kontserti barysynda Halyqaralyq ǵarysh stantsııasynyń ekıpajy kórmedegi amfıteatrǵa jınalǵan jurtshylyqpen baılanysqa shyqty, dep habarlaıdy «QazAqparat» HAA tilshisi.

«Qurmetti qazaqstandyqtar men «EKSPO-2017» kórmesiniń meımandary! Sizderge Halyqaralyq ǵarysh stantsııasynan sálem joldaımyz. Halyqaralyq kórmeniń ótýimen quttyqtaımyz. Shara shynynda da, álemdik deńgeıde. Bolashaq energııasy - búkil adamzattyń damýyna arnalǵan jańa tehnologııalar», - dep quttyqtady ǵaryshker Fedor ıÝrchıhın.

Óz kezeginde Sergeı Rıazanskıı kórmeniń basty taqyrybyna aınalǵan jasyl ekonomıka álemniń ár eli úshin mańyzdy ekenin qosyp ótti.

«Barsha qazaqstandyqtarǵa jalyndy sálem joldaımyz. Álbette, eń birinshiden Astanaǵa, qyzylordalyqtar men «juldyzdy qala» Baıqońyrǵa bizden sálem!», - dedi ol.

Eske sala ketsek, búgin  «EKSPO-2017» halyqaralyq kórmesi aıasynda ótkizilgen Qyzylorda oblysynyń mádenı kúnderi asa kórnekti «Syrdarııa - Jyrdarııa» kontsertimen aıaqtaldy. Amfıteatrda kontsert astanalyqtar men qazaqstandyqtardyń ǵana emes, shetelden kelgen meımandardyń da zor yqylasyna ıe boldy.