«EKSPO-2017» kórmesinde ońtústiktiń kórikti jerleriniń 25 sýreti qoıyldy

 ShYMKENT. QazAqparat - Halyqaralyq «EKSPO-2017» kórmesinde ońtústiktiń kórikti jerleri beınelengen 25 sýreti qoıyldy. Ártúrli fotograftar túsirgen sýretterdi sheteldik qonaqtar tamashalady, dep habarlaıdy QazAqparat HAA tilshisi.

Kópshiliktiń nazaryna usynylǵan sýretterde Q.A.ıAssaýı jáne «Arystan bab», «Qarashash ana» keseneleri, kóne Otyrar men Saýran qalalary beınelengen. Sonymen qatar kúngeıdiń kıeli jerleri sanalatyn «Aqmeshit úńgiri» men jýyrda ǵana Otyrar aýdanynda ashylǵan «Alash» etnoaýylyn kórýge bolady. Odan bólek óńirdiń tamasha tabıǵatynyń fotosýretteri de enip otyr.

Mamandardyń sózinshe, sýretter asa joǵary talǵammen túsirilip, iriktelgen. Ony tamashalaýǵa 100 elden kelgen qonaqtar qatysty. Olardyń qatarynda EKSPO komıssarlary men orynbasarlary, kórmelerdiń halyqaralyq bıýrosynyń delegattary men pavılon dırektorlary, dıplomatııalyq ókildik basshylary jáne halyqaralyq iri kompanııalardyń ıeleri bar.

Aıta keteıik, Oblystyq kásipkerlik, ındýstrııaldy-ınnovatsııalyq damý jáne týrızm basqarmasynyń qoldaýymen ótip jatqan is-sharany joǵary dárejede ótkizýge «Ontustik Tourism» ortalyǵy jáne «Ońtústik Qazaqstan oblysyndaǵy týrızm ındýstrııasyn damytý ortalyǵy» qaýymdastyǵynyń ókilderi de bir kisideı atsalysty.