EKSPO -2017 kórmesi atajurtyna qonys aýdaratyn qandastardyń sanyn arttyrady - Aqytbek Sherızatuly
«EKSPO -2017» halyqaralyq kórmesine qatysqysy kelip eleńdep otyrǵan qandastarymyzdyń sany kóp. Saıtymyzǵa oqyrmandar tarabynan «Qazaqstanda ótetin EKSPO kórmesi qashan bastalady?», «Bıletterdi qalaı alýǵa bolady?» degen suraqtar jıi qoıylyp jatady. Aldyn ala vıza ashtyrýǵa kezekke turyp jatqandardyń da qarasy mol. Bul óz kezegine Qazaq eline birjola qonys aýdaratyn qandastardyń sanyn arttyrady dep oılaımyn. Óıtkeni jol túsip atajurtyn bir kórgen qazaq balasy mindetti túrde kóship kelgisi keledi», deıdi ol.
Sonymen birge ol Qazaqstanǵa keletin shettegi qandastardyń el ekonomıkasyna az da bolsa úles qosatynyn aıtady.
«Týrıst - bul árbir el úshin úlken ekonomıkalyq kiris kózi. Qazaqstanǵa keletin qandastarymyz da shetten tapqan qarjysyn osynda kelip jumsaıdy. Bir kishkene mysal aıtaıyn. Jaqynda bir jeńgemiz Astanaǵa baryp keldi. Qaıtarynda týys-týǵandarǵa sálemdeme retinde myń dollardyń zatyn alyp kelipti. Bunyń ózi kózge kórinbeıtin qarjylyq aınalym», - deıdi Aqytbek Sherızatuly.