Ekspedıtsııa músheleri tarıhı mańyzy bar nysandardy tamashalady - Qyzylorda

 QYZYLORDA. QazAqparat- Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn iske asyrý, jasóspirimder men jastar arasynda buqaralyq týrıstik jumystardy jandandyrý, salaýatty ómir saltynyń daǵdylaryn qalyptastyrý maqsatynda Jalaǵash, Qarmaqshy aýdandaryna týrıstik ekspedıtsııa uıymdastyryldy.  

  Ekspedıtsııa músheleri  tarıhı mańyzy bar eskertkishter men murajaılardy aralady, dep habarlaıdy QazAqparat tilshisi oblystyq kásipkerlik jáne týrızm basqarmasyna silteme jasap habarlady.

 Top quramynda 50-ge jýyq orta jáne joǵary oqý oryndarynyń stýdentteri boldy. Olar Jalaǵash jáne Qarmaqshy aýdandarynyń týrıstik áleýeti bar mádenı-tarıhı nysandary Qaljan-Ahýn kesenesi jáne «Qorqyt Ata» memorıaldyq keshenin tamashalady. Ekspedıtsııa nátıjesinde stýdentterge qazaq halqynyń mádenıeti men tarıhy týraly kóbirek bilýge múmkindik berildi.

 Elimizdegi týrızm máselesine  Elbasy óziniń Ult jospary -  bes ınstıtýtsıonaldyq reformany júzege asyrý jónindegi 100 naqty qadam eńbeginiń 87-qadamynda keńinen toqtalyp ótti. Onda:  Azamattyq birtektilikti nyǵaıtýdyń «Meniń elim» ulttyq jobasyn ázirleý jáne júzege asyrý, onyń aıasynda tehnologııalyq jobalar serııalaryn iske asyrý qarastyrylatyn bolady. Sonyń biri - «Qazaqstan entsıklopedııasy»  keń kólemdi ınternet jobasyn qurý týraly aıtty. Mundaǵy basty maqsat - árbir azamatqa jáne sheteldik týrıstke el týraly kóbirek bilýge kómektesý kerektigin usyndy.