Qazaqstan Izraılden óz azamattaryn qalaı evakýatsııalaıdy

<p>Izraıl memleketindegi Qazaqstan elshisi Satybaldy Burshaqov <a href="https://kaz.inform.kz/?_gl=1*15p9987*_ga*MTQ1OTExODQwNC4xNjIwMDk3NDk5*_ga_Y44SMVECD5*MTY5Njg3MTEzNS4xMDMuMS4xNjk2ODczODU2LjQ0LjAuMA..&amp;pk_vid=aeab0d1b44f1efd81696873858db755a" target="_blank" rel="noopener">Kazinform</a> agenttigine bergen eksklıýzıv suhbatynda ondaǵy QR azamattaryn evakýatsııalaý jumysy qalaı júrip jatqany, osyǵan deıin neshe adam elge oralǵysy keletinin aıtyp júgingeni jáne Elshiliktiń qyzmetkerleriniń jaıy ne bolatyny týraly málimetter berdi.&nbsp;</p>

"Biz Izraılde áskerı-saıası ahýal ýshyǵa túskennen bastap daıyndyq jumystaryna kiriskenbiz. Azamattarymyz týraly derekter jınalyp jatyr. Belgili bir tizim jasaldy. Búgingi jumys kúni tipten qarbalas boldy, sonyń nátıjesinde otandastarymyzdy elge jetkizýge arnalǵan arnaıy reıske ruqsat aldyq. Búkil daıyndyq jumysy áskerı-saıası ahýaldyń shıelenisken jaǵdaıynda júrip jatyr. Bul bizdiń barlyq qaýipsizdik talaptaryn saqtaı otyryp, jergilikti bılik pen áskerılerdiń nusqaýlyqtaryn jiti oryndaýymyz kerektigin bildiredi. Elimizdiń azamattaryna albaty kóshege shyqpaý kerektigin, múmkindiginshe turǵylyqty jerinde bolýyn eskerttik. Olar bizge qulaq asyp otyr", - dedi Satybaldy Burshaqov. 

Qazaqstan azamattaryn evakýatsııalaý jumystaryn júrgizý úshin arnaıy chat ashylǵan, onda elshiliktiń qyzmetshileri barlyq suraqtarǵa jaýap berip otyr. 

"Dıplomattarymyz áleýmettik jelilerdegi baılanysqa jaýapty kezekshilerdi belgilep qoıdy. Qazaqstannan da, osy jaqtan da qońyraý shalyp jatqandar bar. Bul chattyń paıdasy tıip tur. Sonyń arqasynda olardyń qaıda ekenin bilip otyrmyz. Air Astana áýe kompanııasynyń kómegimen tizim quryp jatyrmyz, azamattar bolsa bılet satyp alýda. Eger bireý aldaǵy ýaqytpen bılet alyp qoıǵan bolsa, máselen, qazan, qarasha aılaryna, olar sol bıletine qaıta brondaý jasaı alady", - dedi elshi.  

Endigi kezektegi sharýa - osy qıyn jaǵdaıda áýejaıǵa adamdardy jınaýdy baǵdarlaý. Elshilik qyzmetshileri tym shalǵaıda turatyn azamattarymyzdyń áýejaıǵa jetýine kómektesýde. Olar, sondaı-aq, tirkeý aıaqtalyp, ár azamatymyz ushaq bortyna otyrǵanyna deıin qadaǵalaıdy. Qazirgi tańda dıplomatııalyq qyzmettiń basty jumysy osy bolyp tur. 

"Qazirdiń ózinde Qazaqstannyń 150 azamatyn tizimge tirkedik. Arnaıy reıstiń ashylǵanyn tańerteń jarııalaǵandyqtan, kúndiz qońyraý shalǵan adam kóp boldy. Baǵana aıtqandaı, biz tizimdi áý bastan jasap qoıǵanbyz, kimniń qaıda ekenin aldyn ala bilip otyrdyq. Sonyń arqasynda jumys jeńil ótti", - dedi Satybaldy Burshaqov. 

Al, elshilik qyzmetshilerin evakýatsııalaý týraly ázirshe sóz qozǵalǵan joq. Olar Izraıl astanasy Tel-Avıvte óz qyzmetterin atqaryp jatyr. 

Qazirgi kezde Tel-Avıv áýejaıy shtattyq jaǵdaıda jumys istep tur. 

Aıta keteıik, buǵan deıin Izraılden qaı elderdiń óz azamattaryn evakýatsııalaýdy bastaǵany jaıly sholý jarııalaǵan edik.