Ekskavator qaǵyp ketken: Almatyda mopedke mingesken jasóspirim kóz jumdy

<p>ALMATY. KAZINFORM &ndash; Almatyda moped tizgindegen jas jigitter jol-kólik oqıǵasyna ushyrady. Saldarynan 16 jastaǵy jolaýshy qaıtys boldy.</p>

Almaty qalasy Polıtsııa departamentiniń málimetine sáıkes, jol-kólik oqıǵasy búgin 8.10-da Almatynyń Alataý aýdanynda bolǵan. 

«Alǵabas» yqsham aýdanynda Dospanov kóshesimen soltústik baǵytta kele jatqan moped tizgindegen 15 jastaǵy jasóspirim jolda kele jatqan «Shevrole» kóligimen soqtyǵysqan. Saldarynan moped aýdarylyp qalǵan. Odan keıin soqtyǵys saldarynan jol jıegine qulaǵan mopedtiń 16 jastaǵy jolaýshysyn ekskavator qaǵyp ketti. 

– Ókinishke qaraı, jasóspirim alǵan jaraqatynan kóz jumdy. Adam ólimine ákep soqtyrǵan jol-kólik oqıǵasy boıynsha sotqa deıingi tergeý bastaldy, - dep habarlady qalalyq PD baspasóz qyzmeti.

Eske salaıyq, buǵan deıin bıyl Almatyda moped júrgizýshileri 743 jol-kólik oqıǵasyna ushyrap, 757 adam zardap shegip, 14 adam qaza tapqanyn jazǵanbyz.