Eks-polıtseıler Qańtar oqıǵasy kezinde kúdiktilerdi azaptaǵany úshin sottaldy

<p>Taldyqorǵan qalasynyń soty bıylǵy 18 naýryzda Qańtar oqıǵasy barysynda azaptaý faktilerin qoldanǵan buryńǵy polıtsııa qyzmetkerlerine qatysty úkim shyǵaryldy (QK 146-baby).</p>

Qylmystyq isti Jetisý oblysynyń arnaıy prokýrorlary tergep-tekserdi.

«Memlekettik aıyptaýshylar 2022 jylǵy 5-16 qańtar aralyǵynda Almaty oblysy polıtsııa departamentiniń ǵımaratynda kináli tulǵalarǵa qatysty fızıkalyq zorlyq-zombylyqpen qatar, tergeýdiń tyıym salynǵan ádisterin jasaǵany dáleldendi.

Zańsyz áreketterdiń nátıjesinde jeti jábirlenýshige ártúrli dárejedegi dene jaraqattary keltirilgen», — dep jazdy Bas prokýratýradan.

Sot úkimimen úsh sottalýshy 4 jyldan 6 jylǵa deıingi bas bostandyǵynan aıyrýdyń ártúrli merzimderine sottalyp, olardyń bireýi bas bostandyǵynan aıyrýǵa baılanysty emes jazaǵa tartyldy.

Sonymen qatar, sot olardy arnaıy ataqtarynan jáne memlekettik qyzmette jumys isteý quqyǵynan aıyrdy. Úkim zańdy kúshine engen joq.