«Ekpege enjar qaraımyz ba, álde emge balaımyz ba?» - BAQ-qa sholý

ASTANA. 19 qazan. QazAqparat - «QazAqparat» agenttigi respýblıkalyq basylymdarda 19 qazan, senbi kúni shyqqan ózekti materıaldarǵa sholýdy usynady.

***

Qazannyń 21-i kúni «Astana Opera» teatrynyń álemdik tusaýkeseri ótedi dep kútilýde. Elimizdiń mádenı salasynda mańyzy joǵary shara qarsańynda teatr dırektory Tólegen Muhamedjanov «Egemen Qazaqstan» gazetiniń tilshisine suhbat bergen. Basylymnyń barlyq saýalyna tuşymdy jaýap qaıyrǵan ol: «Teatrymyzdyń shańyraq kótergenine bar-joǵy tórt-aq aıdyń júzi boldy. Sol sebepti áli bizderde mynadaı teńdessiz týyndylar bar dep uzyn-sonar tizimdi alǵa tarta almaımyn. Alaıda, bul kún tártibinde turǵan basty másele. Muny tez arada jyldam sheshýge tıispiz. Nege deseńiz, elordanyń eńseli teatryn kórýge jan-jaqtan aǵylyp jurt keledi. Mundaıda olardyń sol úmitin aqtaıtyn sapaly dúnıeler ázirleýge barynsha kóńil bólinýde. Opera men baletten basqa shaǵyn kontsertterdi jıi-jıi uıymdastyrý josparymyzda bar. Mysalǵa, jaqynda ashylǵan Kameralyq zalda búgingi kúnge deıin úsh ret kontserttik baǵdarlama ótti. Mundaı is-sharalar birte-birte teatrdyń kúndelikti tirshilik-tynysyna tán qubylysqa aınalyp keledi. ıAǵnı, kún saıyn dep aıtpaǵanmen aptasyna 2-3 ret kórermendi baýlıtyn túrli baǵdarlamalar usynsaq, munyń ózi jas teatr úshin zor mereı», - deıdi. Suhbat «Shańyraqtyń shamshyraǵy» degen taqyryppen berilgen.

***

«Qazirgi órkenıetke umtylǵan adamzat qoǵamy tek saıası-eko­no­mıkalyq qana emes, ekologııalyq, mádenı, áleýmettik, rýhanı salany damytýǵa da kóńil aýdaryp keledi. Sonyń biri - sońǵy ýaqyttarda álemdik arenada qolǵa alynyp kele jatqan arna genderologııalyq ilim jáne odan týyndaıtyn: genderlik saıasat, genderlik bilim berý, gen­derlik teńdik sııaqty baǵyttar bolyp tabylady. Osyǵan baılanysty genderologııany damytýdyń búgingi tańdaǵy mańyzdy bir býyny genderlik bilim bolyp otyr», - dep jazady «Egemen Qazaqstan» gazeti senbilik sanyndaǵy «Genderlik bilimniń jas tulǵanyń qalyptasýyna yqpaly» degen taqyryptaǵy maqalasynda. Maqala avtory Qazaq memlekettik qyzdar pedagogıkalyq ýnıversıtetiniń Áleýmettik jáne genderlik zertteýler ǵylymı-zertteý ınstıtýtynyń dırektory Zámza Qodardyń jazýynsha, jyldan-jylǵa genderlik bilim berý jas urpaqtyń tolyqqandy tulǵa retinde qalyptasýynda ózindik oń nátıjesin berip keledi. Biraq bul áıelderge nemese erlerge tolyqqandy absolıýtti erkindik berip, jaýapkershilikterin alyp tastaý degendi bildirmeıdi, kerisinshe, qoǵamdaǵy bıolo­gııa­lyq-psıhologııalyq bolmy­syn jáne mártebesin saqtaı otyra, ıgilikti-ońdy, bolmys taǵaı­yn­daǵan dárejedegi tıisti paryzdaryn kúsheıte túsýi tıis. Bul eki ta­rapqa da birdeı qatysty másele. Jas­tarǵa genderlik bilim berýdiń basty maqsattary men kútetin nátıjeleriniń mańyzdysy da - osy.

***

Kúni keshe ǵana Memleket basshysy qatty synǵa alǵan «Turǵynúı qurylysyjınaqbankindegi» bassyzdyq retke kele bastaǵan syńaıly. Bank basshysynyń týystary men banktiń maıly oryntaǵyndaǵylar alǵan páterlerin keri qaıtaratyn boldy. Bul jaıynda «Aıqyn» gazetiniń búgingi sanyndaǵy «Qaltalylar baǵdarlamaǵa qatysa almaıdy» degen taqyryptaǵy maqalada baıandalǵan. «Bank bizge senimdi basqarýǵa berilgennen bes kún ótken soń depýtattar tarapynan jasalǵan málimdemege qatysty jaǵdaıdyń anyq-qanyǵyna jetý úshin komıssııa qurdyq. Tekserý kezinde bank basshylyǵy men olardyń týystarynyń memlekettik baǵdarlama aıasynda páter alǵany anyqtaldy. Sonymen birge, komıssııa satyp alýshylar pýlyn qalyptastyrý barysynda birqatar protsedýralyq normalar buzylǵanyn anyqtady. Tekserý qorytyndylary Úkimetke joldanǵan bolatyn. Al qyrkúıek aıynda biz banktiń eki basqarma múshesiniń ókilettigin merziminen buryn toqtattyq. Keı basshylar óz erkimen jumystan ketti», - dedi «Báıterek» ulttyq basqarýshy holdıngi» AQ basqarma tóraǵasy Q.Bıshimbaev. Onyń aıtýynsha, bank basshylyǵyna páterlerdi óz erkimen qaıtarý týraly másele qoıylady. Bul másele tıisti sheshimin tappasa, Elbasynyń tapsyrmasyna sáıkes, jergilikti atqarý organdary men prokýratýra arqyly másele sot qaraýyna joldanady. ıAǵnı bank basshysynyń týystary eki apta merzim ishinde páterlerdi erikti túrde tapsyrýy tıis. Páterdi qaıtarǵan tulǵalarǵa buǵan deıin tólegen tólemderi tolyǵymen qaıtarylady. Al osy usynysqa kelispese, onda bul másele sotta qaralmaq.

***

«Alash aınasy» basylymnyń senbilik nómirinde Atlanta Olımpıadasynyń chempıony ıÝrıı Melnıchenkomen aradaǵy suhbat «Arnaıy bazanyń joqtyǵynan básekelesterimizge baryp, solardyń kóz aldynda daıyndalamyz» degen taqyryppen berilgen. Basylym tilshisiniń barlyq saýalyna egjeı-tegjeıli jaýap qaıyrǵan sportshy: «Meniń túsinigimshe, qandaı sportshy bolmasyn, bir elden ekinshisine aýysqanda, Reseıden bolsyn, basqa elden bolsyn, basqa bir memleketke oıysqanda ózderiniń asqaq armandaryn júzege asyrýdy oılaıdy. Sol armandaryn júzege asyrý úshin, ıaǵnı Olımpıada chempıony bolý úshin osyndaı qadamǵa barady. Osyndaı armanmen kelgen sportshy Olımpıada oıyndarynyń fınalynda jeńisti bostan-bos bere sala ma?! Bul jerde másele - materıaldyq múddede emes, sporttyq jetistikte!», - deıdi.

«Aýrýǵa qarsy ekpeniń paıdasy bar ma, zııany qandaı?» degen suraqtyń ázirge basy ashyq. Dárigerler vaktsına arqyly adamzatty aman saqtap qalýǵa bolady dese, skeptıkter oǵan senbeıdi. Ekpe birte-birte túrli genetıkalyq aýytqýlarǵa aparady dep óre túregelýde. Sońǵy jyldary dinı senimine baılanysty vaktsınadan at-tonyn ala qashatyndar da paıda boldy. Osylaısha pikir qaq jarylyp turǵany ras. Osy rette «Alash aınasy» gazetiniń tilshisi ekpeniń paıdasy men zııanyn eksheleýge tyrysqan. Maqala basylymnyń senbilik sanynda «Ekpege enjar qaraımyz ba, álde emge balaımyz ba?» degen taqyryppen berilgen.

***

Qazaqstanda abaqtyǵa toǵytylǵandardy ustap turý úshin birshama qarjy ketedi eken . Bul jaınyda «Ekspress K» basylymyndaǵy «Smenım realnost na ýslovnost» degen taqyryptaǵy maqalada aıtylǵan. Basylymnyń jazýynsha, sottalǵan bir adamǵa shyǵyndalatyn qarjy jylyna 600 myń teńgeden asyp jyǵylady eken. Al mundaı adamdardyń sany elimizde 48 myńdy quraıdy.

***

«Kazahstanskaıa pravda» gazetiniń jazýynsha, keshe Memleket basshysy Nursultan Nazarbaev Qazaqstan Respýblıkasynyń Prezıdenti janyndaǵy Munaı-gaz keńesiniń otyrysyn ótkizdi. Kezdesýde munaı-gaz salasyn odan ári damytýdyń, ony jańǵyrtý men ártaraptandyrýdyń ózekti máseleleri qaraldy. Nursultan Nazarbaev enshiles kompanııalar arasynda fýnktsııalardyń qaıtalanýyn joıyp, korporatıvtik basqarýdyń halyqaralyq standarttaryna sáıkestendirý maqsatynda «QazMunaıGaz» UK» AQ-nyń uıymdastyrýshylyq qurylymyn jetildirý qajettigin atap ótti.