Ekpe almaǵandar koronavırýspen jıi aýyrady jáne olarda indet asqynýy yqtımal - ınfektsıonıst

ALMATY. QazAqparat - Almatylyq ınfektsıonıst dáriger ekpe alǵandar men almaǵandardyń boıynda koronavırýs indeti qalaı ótetini jaıly aıtyp berdi, dep habarlaıdy QazAqparat tilshisi.

Ekpe alǵandar men almaǵandardyń boıynda koronavırýs aýrýy eki túrli órbıdi.

Bul týraly I.S.Jekenova atyndaǵy qalalyq klınıkalyq juqpaly aýrýlar aýrýhanasynyń bas dárigeriniń emdeý jumysy jónindegi orynbasary, ınfektsıonıst dáriger Tamara Utaǵanova aıtty.

«Ekpe degenimiz - aǵzamyzdyń durys jumys isteýine arnalǵan vırýstyq aqparat. Ekpe almaǵandarda ol aqparattyń sany az bolady. Sol úshin ekpe almaǵandar óte jıi aýyrady jáne olarda indettiń aǵymy aýyr ótip, asqyný yqtımaldyǵy joǵary. Ekpe alǵandar bolsa, olar zalaldanady. Aýyrǵan jaǵdaıda olarda syrqat jeńil ótedi. Biz bul jaǵdaıdy óz naýqastarymyzdan baıqap otyrmyz»,- dedi dáriger.

Sondaı-aq, ol ekspress test týraly óz oıyn aıtty.

«Ekspress-test aǵzada koronavırýs ınfektsııasynyń antıgenin anyqtap beredi. Ol adamnyń jeke paıdalanýyna arnalǵan. Qazir qala dárihanalarynda satylyp jatyr. Eger ekspress test nátıjesi «oń» dep kórsetse, ony emhanaǵa habarlaýǵa mindettisiz»,- dedi Tamara Utaǵanova.