Ekosofııa tujyrymdamasy - balalarǵa ekologııalyq bilim berýdegi Prezıdent tapsyrmasymen úndesedi - mınıstr
«Biz rýhanı baı urpaq qana emes, básekege qabiletti urpaq tárbıeleýge tıispiz. Óıtkeni, básekege qabilettilik – tabysty ult bolýdyń basty sharty. Sonyń ishinde jeke adam bolyp emes, tutas halyq bolyp sapany kóterý basty maqsat.
Bul rette, baǵdarlama aıasynda básekege qabiletti, jan-jaqty damyǵan urpaq qalyptastyrýǵa arnalǵan – «Ulttyq tárbıe», jastardyń ǵylymı jetistikteri týraly – «Aqyldy urpaq» jobalary júzege asyp jatyr», - dep toqtaldy mınıstr Senatta «Ulttyq qundylyqtar – rýhanı jańǵyrýdyń negizi» taqyrybyndaǵy dóńgelek ústel otyrysynda.
Sonymen qatar A. Balaeva «Qazaqı tárbıe-tanym» jobasynda – kitap oqıtyn jastardyń sanyn arttyrý, olardyń joǵary estetıkalyq talǵamyn qalyptastyrý, bos ýaqytty tıimdi josparlaý sııaqty maqsattar kózdelgenin atap ótti.
«Buǵan qosa, zamanaýı suranysqa ıe mamandyqtar týraly aqpar beretin – «kásiptik baǵdarlaý», sondaı-aq, resýrs únemdeý men jańa ekologııalyq etıkany qalyptastyrýǵa úndeıtin – ekosofııa tujyrymdamasy is-sharalar kesheni qarastyrylǵan. Bul – óz kezeginde, Prezıdentimiz Qasym-Jomart Kemelulynyń balalarǵa ekologııalyq bilim men tárbıe berý boıynsha júktegen tapsyrmasyna úndesetin joba bolmaq», - dedi vedomstvo basshysy.
Bıyldan bastap árbir qazaqstandyqtyń sanasyn kóterip, azamattyq jaýapkershiligin arttyrýǵa arnalǵan «Eńbek – eldiń muraty», «Quqyqtyq mádenıet», «Únem – qoǵam qýaty», «Dástúr men ǵuryp» sııaqty jańa jobalar iske qosyldy.
Azamattardyń jeke jáne kásibı qabiletterin damytýǵa arnalǵan «Únem – qoǵam qýaty» jobasy aıasynda, qarjylyq saýattylyqty arttyrý, ózin-ózi jetildirý, durys minez-qulyq normalaryn qalyptastyrý, tsıfrlyq jáne medıa-saýattylyqty damytý maqsattary qarastyrylǵan.
«Dástúr men ǵuryp» jobasynda halqymyzdyń salt-dástúri men ádet-ǵurpyn dáriptep, izgi tárbıege úndeıtin, zaman talabymen úndesetin qundylyqtardy óskeleń urpaqqa nasıhattaý kózdelgen. Bul oraıda, «rruh.kz» portalynda ulttyq salt-dástúrge qatysty tanymdyq-aqparattyq materıaldar únemi jarııalanyp otyrady.