Ekonomıkanyń óńdeý salasyndaǵy ónimderdi eksporttaýdy damytý máseleleri talqylandy
dep habarlaıdy QazAqparat.
Otyrysty «KAZNEX» eksportty damytý korporatsııasy» men QR Saýda jáne ındýstrııa mınıstrliginiń Saýda komıteti uıymdastyrdy. Otyrys barysynda 2009 jyldyń óńdeý salasynda jumys isteıtin kásiporyndardyń jumys qorytyndysy jasalynyp, on-laın rejıminde jumys isteıtin elektrondyq aqparattyq-marketıngtik ortalyq pen www.kazbc.kz elektrondyq saýda alańynyń tanystyrylymy ótti. Otyrysqa QR Saýda jáne ındýstrııa mınıstrligi Saýda komıtetiniń tóraǵasy Aıdar Qazybaev, «KAZNEX» AQ-nyń eksportty damytý jáne alǵa jyljytý departamentiniń dırektory Jálel Bolatov jáne t.b memlekettik jáne memlekettik emes uıymdardyń ókilderi qatysty.
«KAZNEX» korporatsııasynyń negizgi maqsaty otandyq mekemelerdiń básekege qabilettiligin arttyrý, álemdik naryqqa shyǵarýǵa kómek kórsetý bolyp tabylady. Búgingi otyrys barysynda osy baǵytta taǵy bir qadam jasap otyrmyz. Jańa portal men saýda alańy jumys isteı bastady. Bul otandyq taýardy shet elge shyǵarýǵa jasalǵan taǵy bir mańyzdy qadam», deıdi «KAZNEX» AQ-nyń eksportty damytý jáne alǵa jyljytý departamentiniń dırektory Jálel Bolatov.