Ekonomıkanyń qalpyna kelý qarqyny artty – Ulttyq ekonomıka mınıstri

NUR-SULTAN. QazAqparat – Bıylǵy mamyr aıynda eldegi iskerlik belsendiliktiń jaqsarýy jalǵasty. Bul týraly búgin Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Qańtar-mamyr aılarynda ekonomıkanyń qalpyna kelýdegi ósý qarqyny 1,6%-ǵa deıin jedeldedi. Naqty sektor ekonomıka ósiminiń draıveri bolyp qala berýde. Qyzmet kórsetý sektorynyń qarqyndy ósýi baıqalýda. Ekonomıkanyń óndirýshi emes sektorlarynda joǵary ınvestıtsııalyq belsendilik saqtalyp otyr. Jyl basynan beri ken óndirý ónerkásibin esepke almaǵanda, naqty sektordaǵy ósim 7,4%-dy qurady. Іshki suranystyń turaqtanýy aıasynda qyzmet kórsetý salasyndaǵy ósý 0,8%-ǵa deıin jedeldedi», - dedi mınıstr.

Onyń aıtýynsha, ekonomıka salalary arasynda aqparat pen baılanys, qurylys, sýmen jabdyqtaý, óńdeý ónerkásibi, saýda, elektrmen jabdyqtaý jáne aýyl sharýashylyǵy joǵary ósimdi kórsetti. Óńdeý ónerkásibi salalarynda qarqyndy kórsetkish baıqalýda.

«Atap aıtqanda, mashına jasaý 21,1%-ǵa ulǵaıdy, onyń ishinde avtomobıl qurastyrý – 26,4%, lokomotıvter men vagondar óndirisi – 54,9%, farmatsevtıka – 25,7%, qurylys materıaldary – 21,4%, kıim – 19,3%, jıhaz – 18,2% jáne plastmassa ónimderi óndirisi – 17,3% erekshelendi. Sondaı-aq, hımııa ónerkásibi ónimderin óndirýde 9,8% deńgeıinde jaqsy ósim baıqalady», - deıdi Á. Erǵalıev.