Ekonomıkanyń «qyzyp ketý» belgisi baıqaldy - Tımýr Súleımenov
– 2024 jylǵy qysqamerzimdi ekonomıkalyq ındıkatordyń ósimi tez baıaýlap, 6,2%-ke jetti. Іshki suranys ekonomıkanyń ósýine sebep bolǵan negizgi qozǵaýshy kúsh bolyp qaldy. Alaıda onyń qarqyny ekonomıkanyń óndiristik múmkindikterinen asyp tústi. Bul baǵa qysymyn arttyratyndaı qaýip týdyryp, ekonomıkanyń tym «qyzyp ketý» belgilerin kórsetedi, - dedi ol.
Sondaı-aq UB basshysy belsendi fıskaldyq saıasat pen tutynýshylyq kredıtteý aıasynyń keńeıýi tutynýshy tarapty yntalandyryp otyrǵanyn atap ótti.
– Shıkizatqa jatpaıtyn sektordaǵy ınvestıtsııalyq belsendilik ishki suranysty qoldaýǵa da úles qosyp, iskerlik belsendilikti kúsheıtti. Ulttyq Bank qadaǵalaıtyn iskerlik belsendilik ındeksi 11 aı boıy oń aımaqta saqtalyp keldi. Bul kásiporyndar tarapynan iskerlik ortanyń turaqtylyǵyna senim artqanyn bildiredi. 2024 jylǵy jeltoqsanda ındeks 50,7-ni qurap, iskerlik belsendilik artqanyn kórsetti. Eń aıqyn ósim qurylys salasynda baıqalady, oǵan jańa tapsyrystar men jumyspen qamtý deńgeıiniń artýy yqpal etti, - dedi ol.
Aıta keteıik, buǵan deıin Ulttyq bank bazalyq mólsherlemege qatysty málimdeme jasady.
Tımýr Súleımenov ne sebepti bazalyq mólsherlemeni 15,25% deńgeıinde saqtaý týraly sheshim qabyldanǵanyn túsindirdi.