Ekonomıkamyz qaryshtap damıtynyna senimim zor – Shet aýdany ákiminiń orynbasary Joldaý týraly
Bul pikirdi Qaraǵandy oblysyndaǵy Shet aýdany ákiminiń orynbasary Qaırat Nókesh bildirdi, dep habarlaıdy QazAqparat tilshisi.
Joldaýda kúlli álemdi alańdatyp otyrǵan pandemııamen kúres joldary qamtylǵan. Qazirgi tańda bul óte mańyzdy másele. Sondaı-aq qujatta el turǵyndarynyń tabysy men jumys oryndarynyń saqtalýy, bilim berý salasyn kóterý, halqymyzdyń densaýlyǵy sııaqty áleýmettik baǵyttaǵy máseleler keńinen kórinis tapty. Bul halqymyzdyń ómirimen, tynys-tirshiligimen tikeleı baılanysty dúnıeler. Sondaı-aq ol qalyq kópshilik úshin qýanyshty jańalyqtar.
«Al Shet aýdany Joldaýdan týyndaǵan mindetterdi júzege asyrýda osy kezden-aq bastap ketti. Aýdanymyzda «Jumyspen qamtýdyń jol kartasy» baǵdarlamasy aıasynda 28 joba, «Aýyl el besigi» arnaıy jobasy aıasynda 8 joba iske asyryldy. Onyń ishinde turǵyndardyń tabysyn arttyrý jáne jumys oryndaryn saqtaý boıynsha eki baǵdarlama aıasynda 200 adam merzimdi jumyspen, 600 adam turaqty jumyspen qamtyldy. Aýdandaǵy bilim berý, sport, kópqabatty turǵyn úı nysandarynyń qasbetterin kúrdeli jóndeýden ótkizý, kóshe joldaryn ortasha jóndeý, jylý júıelerin jańartý, aýdan boıynsha kóptegen eldi mekenderdegi mektepterdiń dárethanalaryn ishke kirgizý jáne beınebaqylaý qoıý, mektep shatyrlaryn jańartý jáne jóndeý syndy aýqymdy jumystar júrgizilip jatyr», - deıdi Shet aýdany ákiminiń orynbasary Qaırat Nókesh.
Sonymen qatar, respýblıkalyq, oblystyq bıýdjet esebinen Shet aýdanyna qarasty Kıikti aýylynda 2 qabatty 150 oryndyq jańa mektep, «Nurly jer» baǵdarlamasy aıasynda Aqadyr kentinde 24 páterlik kópqabatty turǵyn úı salynýda.
«Memleket basshysynyń Joldaýda aıtqan memlekettik qyzmetshilerdiń sanyn qysqartyp, sapasyn arttyrý, halyqtyń turmys sapasyn odan ári jaqsartý, kásipkerlikti qoldaý, ınfraqurylymdy damytý, baspana máselesin sheshý syndy basymdyqtary tolyqtaı júzege asqanda órkenıetimiz órkendep, ekonomıkamyz qaryshtap damı beretinine senimim mol. Osy maqsatta birlesip, jumyla jumys isteıtin bolamyz»,- dep qosty Shet aýdany ákiminiń orynbasary.