Ekonomıkalyq yntymaqtastyq uıymynyń júldesi qazaqstandyq ǵalymǵa tabystaldy
Tıisti rásim «Ǵylym ordasy» ǵımaratynda ótti.
Іs-sharaǵa QR Ulttyq ǵylym akademııasynyń (UǴA) prezıdenti Murat Jurynov, Halyqaralyq Túrki akademııasynyń vıtse-prezıdenti Fýzýlı Madjıdlı, QR SІM Almaty qalasyndaǵy Ókildiginiń basshysy Asqar Shoqybaev, ǵylymı orta men zııaly qaýym ókilderi qatysty.
Іs-shara barysynda A. Shoqybaev QR Syrtqy ister mınıstriniń atynan estelik medal, úzdik marapattar gramotasy men 5000 AQSh dollary mólsherindegi qarjylyq syılyqtan turatyn EYU júldesin tabys etti.
Ókildik basshysy EYU júldesi O. Smaǵulovtyń antropologııa ǵylymynyń damýyna qosqan zor úlesiniń halyqaralyq deńgeıde moıyndalýynyń bir belgisi ekenin atap ótti.
EYU júldesiniń jeńimpazdaryn 2021 jyly 28 qarashada Ashhabad qalasynda ótken Uıymnyń 15-shi sammıti barysynda múshe memleketter basshylary anyqtaǵan bolatyn.
O. Smaǵulov «Tarıh, mádenıet, ádebıet jáne beıneleý óneri» nomınatsııasynda jeńimpaz atandy.
Sonymen birge, saltanatty is-sharada Qazaqstan ǵylymynyń damýyna qosqan úlesi úshin kórnekti ǵalym, M. Áýezov atyndaǵy Ońtústik Qazaqstan memlekettik ýnıversıteti janyndaǵy Respýblıkalyq fızıkalyq antropologııa ǵylymı-zertteý zerthanasynyń aǵa ǵylymı qyzmetkeri Aınagúl Smaǵulovaǵa Túrki akademııasynyń altyn medali tabys etildi.
Ekonomıkalyq yntymaqtastyq uıymy 1985 jyly qurylǵan, oǵan Aýǵanstan, Ázerbaıjan, Iran, Qazaqstan, Qyrǵyzstan, Pákistan, Tájikstan, Túrkııa, Túrikmenstan jáne Ózbekstan múshe bolyp tabylady. Uıymnyń shtab-páteri Tegeran qalasynda ornalasqan.
O. Smaǵulov – Qazaqstandaǵy antropologııa ǵylymynyń negizin qalaýshydardyń biri bolyp sanalady, tarıh ǵylymdarynyń doktory, QR UǴA akademıgi, Qazaqstannyń eńbek sińirgen ǵylym jáne tehnıka qaıratkeri, Bolonıa ǵylym akademııasynyń korrespondent múshesi.