Ekonomıkalyq sıpattaǵy qylmystyq isterdi tirkeýdiń tártibi ózgermek
«Usynylyp otyrǵan zań jobasynda qylmystyq is qozǵaý tártibine ózgeris engizý kózdelgen. Qazir Sotqa deıingi tergep-tekserýdiń biryńǵaı tizilimi degen bar. 2014 jylǵa deıin tergeýshi qylmystyq is qozǵaý nemese qylmystyq is qozǵaýdan bas tartý týraly sheshim qabyldasa, tergeýge deıingi tekseris ınstıtýtynda tirkeıtin. 2014 jyldan beri ol ınstıtýt joq. Qazir onyń bári Sotqa deıingi tergep-tekserýdiń biryńǵaı tizilimine tirkeledi. Zań jobasynda mynandaı jol usynylyp otyr: ekonomıkalyq qylmystar boıynsha is qozǵalatyn bolsa, biryńǵaı tizilimge tirkeý úshin tıisti tekserý aktisi bolýy shart. ıAǵnı, qylmystyq is qozǵalǵanǵa deıin ol málimetti qarjygerler men ekonomıster, esepshiler rastaý kerek. Jeke kásipker bolsa, esepshi rastaý qajet. Eger iri kásiporyn bolsa aýdıtorlyq esep rastaǵan bolýy kerek. Osyndaı qujattar talap etiledi», - dedi Abzal Quspan.
Onyń aıtýynsha, qoldanystaǵy normanyń olqylyǵyn paıdalanyp kez kelgen kásipkerdi tenderden tys qaldyrýǵa bolady.
«Ózińiz oılap qarańyz, eki kásipker bir tenderge qatysyp jatsa, bireý onyń ústinen aryz uıymdastyrsa, tergeýshi qoldanystaǵy zańnyń aıasynda onyń búkil esepshottaryn jaýyp tastaı alady. Ol tergeý barysynda óziniń kinásiz ekendigin, qylmystyq iske qatysy da joq ekenin dáleldep bolǵanǵa deıin tender ótip ketýi múmkin. Qazirgi qoldanystaǵy Qylmystyq-protsessýaldyq kodeks osyndaı múmkindik beredi. Al bul jaǵdaıda kásipkerlerdiń qarapaıym quqyǵy buzylady», - dep túsindirdi depýtat.