Ekonomıkalyq shoǵyrlanýǵa kelisim berý qyzmeti onlaın kórsetiledi - Agenttik

ASTANA. QazAqparat – Básekelestikti qorǵaý jáne damytý agenttigi «Ulttyq aqparattyq tehnologııalar» AQ-men birlesip, «Ekonomıkalyq shoǵyrlanýǵa kelisim berý ótinishterin qaraý» memlekettik qyzmetin tsıfrlandyrdy, dep habarlaıdy QazAqparat Agenttiktiń baspasóz qyzmetine silteme jasap.

Atalǵan memlekettik qyzmetti alýdy jeńildetý úshin «E-lıtsenzııalaý» memlekettik derekter bazasy» aqparattyq júıesiniń ishki portaly quryldy. Onda ótinish berýshiler qyzmet kórsetý týraly ótinishpen júginip, qajetti qujattardy onlaın formatta usyna alady.

Ótinishti alǵannan keıin BQDA mámileni Kásipkerlik Kodeksiniń normalary aıasynda qaraıdy. Memlekettik qyzmet kórsetý nátıjesi sol «E-lıtsenzııalaý» portalynda usynylady.

Bul jumysty Agenttik tóraǵasy buıryǵynyń jobasy sheńberinde quqyqtyq aktiler týraly zańnamaǵa sáıkes memlekettik qyzmet kórsetý qaǵıdalary deńgeıinde bekitý josparda bar. Onda qujattardy portal arqyly berý mindetti shart bolady.

Agenttiktiń 2023 jylǵa arnalǵan jumys josparyna sáıkes, kelesi kezeńderde qyzmet alýshy toltyratyn málimetterdi jınaýdy ishinara avtomattandyrý josparlanǵan. Olar qyzmetke júginýshi usynatyn málimetter tizbesiniń durystyǵyn rastaý jáne qysqartý úshin qajet. Atap aıtqanda, jeke tulǵalar (JSN, qujat nómiri jáne t.b.) jáne zańdy tulǵalar (BSN, EQJJ jáne t. b.) týraly málimetterdi alý avtomattandyrylmaq.

Onlaın ótinishti osy silteme arqyly berýge bolady. Anyqtama nómirleri: 8 71 72 749617; 743713.