Ekonomıkalyq qylmys jasaǵany úshin izdeýde júrgen QR azamaty Taılandtan ekstradıtsııalandy
20:26, 05 Tamyz 2016
ASTANA. QazAqparat - Búgin Bas prokýratýra jáne Memlekettik kirister komıtetiniń qyzmetkerleri Qazaqstan Respýblıkasynyń Taılandtaǵy elshiliginiń qoldaýymen Qazaqstan azamatyn qylmystyq jaýapkershilikke tartý úshin ekstradıtsııalady. Bul týraly Qazaqstan Respýblıkasy Bas prokýratýrasynyń baspasóz qyzmetinen habarlady.
36 jastaǵy Marat Jupqazıev ekonomıkalyq qylmystar jasaǵany úshin Ońtústik Qazaqstan oblysy boıynsha Memlekettik kirister departamentiniń izdeýinde bolǵan. Ol qylmystyq top quramynda birneshe jalǵan kásipkerlik qurǵany, bıýdjetke salyq tóleýden jaltarýǵa jaǵdaı jasaýy nátıjesinde memleketke asa iri mólsherde, 4 mlrd. teńge somasynda zalal keltirgeni úshin aıyptalýda.
Qazirgi ýaqytta Jupqazıev Almaty qalasynyń tergeý ızolıatoryna qamaýǵa alyndy.