«Ekonomıkalyq ıntegratsııa otandyq ónerkásipke qanshalyqty yqpal etedi?» - respýblıkalyq basylymdarǵa sholý
***
«Ekonomıkalyq damý jáne saýda mınıstrligi 2020 jylǵa deıingi elimizdiń strategııalyq damý josparynyń negizgi baǵyttarymen tyǵyz baılanysty Memleket basshysy tapsyrmalaryn iske asyrýdyń kórneki aqparattyq kartasyn daıyndady», - dep jazady «Egemen Qazaqstan» gazeti búgingi sanynda. Soǵan oraı, keshe, seısenbi kúni QR Premer-mınıstri K. Másimovtiń tóraǵalyǵymen ótken selektorlyq jıynda Ekonomıkalyq damý jáne saýda mınıstri Qaırat Kelimbetov «Memleket basshysynyń bergen tapsyrmalaryn iske asyrý jónindegi kórneki aqparattyq karta týraly» baıandama jasady. «Atalmysh karta daǵdarystan keıingi damý, ekonomıkany ártaraptandyrýdy jedeldetý, azyq-túlik qaýipsizdigi jáne bolashaqta keletin ınvestıtsııa syndy aspektilerdi qamtıdy.sondaı-aq munda azamattar úshin kórsetiletin qyzmetter, memlekettik basqarý júıesin damytý, ultaralyq kelisim men qaýipsizdikti jáne halyqaralyq qatynastardyń turaqtylyǵyn qamtamasyz etý de nazardan tys qalmaǵan»,-delingen maqalada. Maqala «Aqparattyq karta ázirlenýde» degen taqyrypppen berilip otyr.
***
«Alash aınasy» basylymy 18 mamyr kúni shyqqan sanynda «Іz-tússiz joǵalǵan Joldas Temirálıev pen Aıdar Hasenovtiń máıitteri tabyldy» degen maqala jarııalady. Onda osydan tórt jyldan astam ýaqyt buryn joǵalǵan «Nurbanktiń» burynǵy top-menedjerleriniń múrdeleri tabylǵandyǵy týraly Bas prokýratýranyń málimdemesi jarııalanǵan. Gazettiń jazýynsha, bankırlerdiń óli deneleri Almaty qalasynyń taý bókterindegi «Qazteleradıo» keshenine qarasty qoımalar bazasy aýmaǵynan anyqtalǵan.
***
«Aıqyn» gazetiniń búgingi sanynda «Ekonomıkalyq ıntegratsııa otandyq ónerkásipke qanshalyqty yqpal etedi?» degen taqyryppen maqala jaryq kórdi. Onda elimizdiń kóshbasshy partııasy Elbasynyń iri halyqaralyq ekonomıkalyq jobasy - Keden odaǵynyń jumysy jaıynda ókiletti jıyn ótkizgendigi jáne osy másele jan-jaqty talqyǵa túskendigi jaıynda aıtylady. Maqalada atap kórsetilgenindeı, osy oraıda «Nur Otannyń» Parlamenttegi fraktsııasy Úkimettegi osy iske jaýapty basty tulǵa - Ekonomıkalyq ıntegratsııa isteri jónindegi mınıstr Janar Aıtjanovany shaqyrǵan. «Ekonomıkalyq ıntegratsııa isteri jónindegi mınıstr Janar Aıtjanovanyń aıtýynsha, Keden odaǵynyń qurylýy, eń aldymen, Qazaqstan júrgizip otyrǵan syrtqy saýda saıasatyna, sonymen birge ishki shekaradaǵy kedendik ákimshilendirýge áser etken. 2010 jylǵy 1 qańtardan bastap, qazaqtar, reseılikter men belarýster birdeı syrtqy saýda saıasatyn qoldanýǵa kirisken. Osy maqsatta 8 halyqaralyq kelisim bekitilgen, bir túrki jáne qos slavıan eline ortaq Biryńǵaı kedendik tarıf jáne birdeı tarıftik emes sharalar qoldanylatyn taýarlardyń Biryńǵaı tizbesi qabyldanǵan»,-delingen maqalada.
***
Keshe Aqordada Memlekettik hatshy Qanat Saýdabaevtyń tóraǵalyǵymen ótken Prezıdent janyndaǵy sybaılas jemqorlyqqa qarsy kúres máseleleri jónindegi komıssııanyń májilisinde Qazaqstannyń memlekettik organdaryndaǵy jemqorlyq deńgeıiniń reıtingileri týraly sóz órbidi. Bul týraly búgin «Kazahstanskaıa pravda» gazeti «Borba beskompromıssnaıa ı nastýpatelnaıa» atty maqalasynda málim etti. Basylymynyń jazýynsha, otyrysta jemqorlyqqa qarsy kúrestiń 2006-2010 jyldarǵa arnalǵan memlekettik baǵdarlamasy egjeı-tegjeıli talqylaýdan ótti. Májilisti ashqan Memlekettik hatshy Q. Saýdabaev Qazaqstan Táýelsizdiginiń 20 jyldyq mereıtoıy jyly elimizdegi adam quqy men bostandyǵyn qorǵaý ári sybaılas jemqorlyqty quryqtaý baǵytynda aıyryqsha jaýapkershilik júkteıtin jyl bolatynyn atap ótti.