Ekonomıkalyq sıpattaǵy keıbir zań buzý áreketteri qylmys sanatynan alyndy

<p>ASTANA. KAZINFORM &ndash; Senat &laquo;Qazaqstan Respýblıkasynyń keıbir zańnamalyq aktilerine ekonomıkalyq quqyq buzýshylyqtardyń jekelegen túrlerin qylmystyq sıpattan aryltý jáne QR-nyń zańsyz jolmen alynǵan kiristerdi zańdastyrýǵa jáne terrorızmdi qarjylandyrýǵa qarsy is-qımyl týraly zańnamasyn jetildirý máseleleri boıynsha ózgerister men tolyqtyrýlar engizý týraly&raquo; zańdy jáne ilespe qujatty maquldady.</p>

Senator Amangeldi Tolamısovtiń aıtýynsha, zańdar:

- Qylmystyq kodekstiń bıznes múddelerin qozǵaıtyn tórt babyn (Qylmystyq kodekstiń 219, 234, 236 jáne 241-baptary) tolyq jáne ishinara

qylmyssyzdandyrýdy;

- Ákimshilik quqyq buzýshylyqtar týraly kodekstiń 551-babynda jaýapkershilikti kózdeı otyryp, iri mólsherde quqyq buzýshylyqtar jasaýdyń saralaý belgilerin qylmystyq sıpattan arylta otyryp, Qylmystyq kodekstiń 234 jáne 236 baptarynda qylmystyq jaýaptylyqtyń bastalý shegin kóterýdi kózdeıdi.

«Tutastaı alǵanda, zańdar Memleket basshysynyń ekonomıkalyq sıpattaǵy keıbir zań buzý áreketterin qylmys sanatynan alyp tastaý jumysyn jalǵastyrý qajettigi týraly 2023 jylǵy 1 qyrkúıektegi Joldaýynda aıtylǵan tapsyrmasyn oryndaýǵa jáne tıisinshe elimizde qolaıly bıznes-ortany qalyptastyrý maqsatynda ekonomıkalyq qyzmet salasyndaǵy qylmystar boıynsha jaýapkershilikke tartýdyń ádil quqyqtyq tetikterin aıqyndaýǵa baǵyttalǵan», - dedi ol.