Aınalymdaǵy zeınetaqy aktıvterin tek naryq talaptaryna saı qoldaný kerek – Prezıdent

<p>ASTANA. KAZINFORM &mdash; Ulttyq bank ınflıatsııa úderisi men ekonomıkanyń ósimin baqylap otyrýdy kózdeıtin tıimdi jalpymemlekettik saıasatty ustanýy kerek. Bul týraly Úkimettiń keńeıtilgen otyrysynda Prezıdent Qasym-Jomart Toqaev aıtty.</p>

«Ekonomıkalyq aınalymǵa túsetin zeınetaqy aktıvterin tek qana naryq talaptaryna saı qoldaný kerek. Bul máselede salymshylar aldyndaǵy jaýapkershilik óte joǵary. Qajet bolsa, Úkimet biryńǵaı zeınetaqy salymdary esebinen júzege asyrylatyn jobalardyń paıyzdyq ósimin sýbsıdııalaýǵa tıis. Osy mańyzdy jumysqa kvazımemlekettik qurylymdar sııaqty deldaldardy qoldan jasaýdyń qajeti joq. Mundaı jaǵdaı buryn talaı ret bolǵan. Bul iske tıisti saraptama jasaı alatyn jáne qajetti ınfraqurylymy bar ekinshi deńgeıdegi bankterdi belsendi túrde tartý kerek», - dedi Qasym-Jomart Tolqaev.

Prezıdenttiń aıtýynsha, bankterdi ekonomıkanyń naqty sektoryna qarjy quıýǵa yntalandyrý kerek.

«Úkimet pen Ulttyq bank ózara tyǵyz yntymaqtasyp, bul jumysty birlese júrgizýge tıis. Jalpy, Ulttyq bank ınflıatsııa úderisi men ekonomıkanyń ósimin baqylap otyrýdy kózdeıtin tıimdi jalpymemlekettik saıasatty ustanýy kerek», - dedi Memleket basshysy.