Ekonomıkaǵa jetkilikti qarajat salynbaı jatyr – Prezıdent

<p>ASTANA. KAZINFORM &ndash; Prezıdent Qasym-Jomart Toqaev Úkimettiń keńeıtilgen otyrysynda ekonomıkaǵa jetkilikti qarajat salynbaı jatqanyn synǵa alyp, jańa ınvestıtsııalyq kezeńdi bastaý keregin aıtty.&nbsp;</p>

Qasym-Jomart Toqaev óndirý salasyndaǵy jobalardan túsken paıda qaıtadan ınvestıtsııa retinde ekonomıkaǵa salynyp jatqanyn aıtty.

«Tikeleı shetel ınvestıtsııasy, negizinen, osy qarajattyń esebinen qamtamasyz etilip otyr. Negizgi kapıtalǵa salynǵan ınvestıtsııanyń ishki jalpy ónimge shaqqandaǵy úlesi azaıyp barady. Bul kúrdeli jaǵdaı deýge bolady. Sebebi, ekonomıkaǵa jetkilikti qarajat salynbaı jatyr. Sonyń saldarynan, aldaǵy jyldary eldiń damý qarqynyn saqtap turýdyń ózi qıyn bolýy múmkin», - dedi Prezıdent.

Sondyqtan, Prezıdent ishki jáne syrtqy ınvestıtsııany aıtarlyqtaı kóbeıtý keregin atap ótti.

«Bul – jańadan qurylǵan Investıtsııalyq shtabtyń negizgi mindeti. Shtab elge ınvestıtsııa tartýǵa qajetti birtutas ekojúıe qalyptastyrýy kerek. Damý ınstıtýttarynyń jumysyn jandandyryp, bıznes ókilderimen tıimdi dıalog júrgizýge tıis. Sheteldegi mekemelerdiń, ortalyq pen aımaqtardyń arasynda tyǵyz baılanys ornatý qajet. Eń bastysy, Investıtsııalyq shtab qajetti sheshimdi der kezinde qabyldaýy kerek», - dedi Memleket basshysy.