Ekonomıkada proınflıatsııalyq faktorlar saqtalyp otyr – Ulttyq bank
«Ulttyq banktiń Aqsha-kredıt saıasaty komıteti bazalyq mólsherlemeni 14,75 paıyzǵa deıin tómendetý týraly sheshim qabyldady. Bul sheshimde naqty derekter men jańartylǵan boljamdar eskerildi. Makroekonomıkalyq kórsetkishterdiń boljamdaryn jańartýmen qatar ınflıatsııa táýekelderiniń baǵalaýy da túzetildi. Jyldyq ınflıatsııa baıaýlap keledi. Degenmen, onyń baıaýlaý qarqyny da tómendedi. Bul bizdiń boljamymyzben sáıkesedi. Inflıatsııaǵa qatysty halyq kútýleriniń úsh aı qatarynan tómendeýi – biz úshin oń belgi. Alaıda, ınflıatsııanyń ornyqty bóligindegi kórsetkishter áli de joǵary. Bul baǵa turaqtylyǵyn qamtamasyz etý sharalaryn jalǵastyrýdy qajet etedi», - dedi ol Ulttyq bankte ótken brıfıngide.
Onyń atap ótýinshe, ekonomıkada proınflıatsııalyq faktorlar saqtalyp otyr. Olardyń ishinde tutynýshylyq suranys, fıskaldyq yntalandyrý jáne joǵary ınflıatsııalyq kútýler bar. Syrtqy ortada jahandyq ınflıatsııanyń baıaýlaǵany seziledi. Oǵan elderdiń monetarlyq saıasaty jáne energııa kózi men azyq-túlik baǵasynyń tómendeýi yqpal etýde. Keıbir aımaqtardaǵy logıstıka máseleleri jáne Reseı men Qytaıdaǵy ınflıatsııanyń qarqyn alýy alańdaýshylyq týǵyzady.
«Іshki suranys kórsetkishterinde, ınflıatsııalyq kútýlerde baıqalatyn úrdister, sondaı-aq bıýdjet saıasaty parametrlerindegi jáne syrtqy jaǵdaıdaǵy belgisizdik ustamdy qatań aqsha-kredıt sharttaryn saqtaýdy talap etedi. Bizdiń basty mindetimiz – orta merzimde ınflıatsııany 5 paıyzǵa deıin tómendetý», - dedi Tımýr Súleımenov.