Ekonomıka salasynda bıylǵy Nobel syılyǵy kimge buıyrdy

<p>ASTANA. KAZINFORM &ndash; Ekonomıka salasynda 2024 jylǵy Nobel syılyǵy elder qalaı jáne nelikten baıyp, damıtyny, sondaı-aq ilgerileý men tehnologııa nege keıbir jerlerde ulttardyń gúldenýine ákelip, keı elderde kerisinshe, nege joǵalatyny týraly eńbekterimen tanymal bolǵan Daron Asemoglý, Djeıms Robınson jáne Saımon Djonsonǵa berildi, dep habarlaıdy <a href="https://www.bbc.com/russian/articles/crkdvyykexgo" target="_blank" rel="noopener">VSS</a>.&nbsp;</p>

«Olar qoǵamdyq ınstıtýttardyń memlekettiń órkendeýi úshin qanshalyqty mańyzdy ekenin kórsetti. Quqyq tártibi damymaǵan, al bıligi halyqty qanaıtyn qoǵam damymaıdy, jaqsy jaqqa ózgermeıdi. Laýreattardyń zertteýleri onyń sebebin túsinýge kómektesedi», - dep atap ótti Shvetsııa ǵylym akademııasy.

Ekonomıkalyq syılyq dástúrli túrde qazan aıynyń basynda ótetin Nobel aptalyǵyn aıaqtaıdy.

Ekonomıka – jas ǵylym, Alfred Nobeldiń ósıetinde ol týraly eshteńe aıtylmaǵan. Ol 1968 jyly Shvetsııanyń ortalyq banki óziniń 300 jyldyǵyna oraı Nobel qoryna qomaqty qarjy aýdarǵannan keıin paıda boldy.

Sondyqtan syılyq resmı jaǵynan Nobel syılyǵy emes, biraq ony rásim kezinde sol komıtet beredi. Syılyqqa shamamen 1 mln dollar kólemindegi aqsha men arnaıy ázirlengen altyn medal kiredi.

Jeńimpazdy Shvetsııa ǵylym akademııasy tańdaıdy. Ol basqa ǵylymı pánder boıynsha úzdik jumystardy marapattaý kezindegideı erejelerdi saqtaıdy.