Ekonomıka ósimin qamtamasyz etý úshin bılik qandaı sharalardy qolǵa alýy tıis

NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Áset Erǵalıev ortalyq jáne jergilikti atqarýshy organdar nazar aýdarýy tıis is-sharalardy atady, dep habarlaıdy QazAqparat tilshisi.

«Ortalyq jáne jergilikti atqarýshy organdarǵa mynadaı is-sharalarǵa nazar aýdarý usynylyp otyr. 2021 jylǵa arnalǵan ekonomıkalyq ósimdi qalpyna keltirý jónindegi ózektendirilgen keshendi jospardy tıimdi iske asyrýy qajet. Ekonomıkanyń basym sektorlarynda iri kompanııalarmen ınvestıtsııalyq kelisimderdi iske asyrýy tıis. Aýyl sharýashylyǵy jáne qurylys-montaj jumystarynyń maýsymyn belsendi ótkizýi kerek», - dedi mınıstr.

Sonymen qatar ol «Jumyspen qamtý jol kartasy» jáne «Eńbek» baǵdarlamalary aıasynda targettelgen turaqty jumys oryndaryn qurý qajettigin aıtty.

«Jańa «ósý faktorlaryn» damytý jáne óńirlerdiń ekonomıkalyq baılanysyn kúsheıtý kerek. Atalǵan is-sharalardy iske asyrý ekonomıkalyq belsendilikti yntalandyrýǵa jáne osy jylǵy ekonomıkalyq ósimdi qamtamasyz etýge múmkindik beredi», - dedi Áset Erǵalıev.