Ekonomıka mınıstrligi elden kapıtaldy shyǵarmaýdy yntalandyrmaq

NUR-SULTAN. QazAqparat – Senattyń jalpy otyrysynda «Salyq jáne bıýdjetke tólenetin basqa da mindetti tólemder týraly» Kodeksine jáne «Salyq jáne bıýdjetke tólenetin basqa da mindetti tólemder týraly» Kodeksin qoldanysqa engizý týraly» Zańy eki oqylymda qaralyp, qabyldandy, dep habarlaıdy QazAqparat tilshisi.

Qaralyp otyrǵan zań jobasy Memleket basshysynyń tapsyrmalaryn oryndaý, sondaı-aq salyq salýdyń ózekti máselelerin sheshý maqsatynda ázirlendi.

«Zań jobasynda bırjalyq metaldar boıynsha paıdaly qazbalardy óndirý salyǵy mólsherlemelerin 50%-ǵa, qalǵan qatty paıdaly qazbalar boıynsha 30%-ǵa ulǵaıtý kózdelgen. Bul rette óndirý 2022 jylǵy 31 jeltoqsannan keıin bastalatyn jańa ken oryndaryn 15% rentabeldilik deńgeıine jetkenshe, 5 jyl merzimge deıin paıdaly qazbalardy óndirý salyǵynan bosatý usynylady», - dedi QR Ulttyq ekonomıka mınıstri Álibek Qýantyrov.

Onyń aıtýynsha, elden kapıtaldy shyǵarmaýdy yntalandyrý maqsatynda dıvıdendter boıynsha jeńildikterdi qaıta qaraý usynylady.

«Eýrazııalyq ekonomıkalyq odaq sheńberindegi Kelisimdi oryndaý úshin temekige arnalǵan aktsızderdiń mólsherlemelerin kezeń-kezeńimen ulǵaıtý usynylady. Sonymen qatar temeki ónimderiniń basqa túrleri boıynsha aktsızderdi kezeń-kezeńimen ulǵaıtý qarastyrylǵan», - dedi mınıstr.

Munymen qosa, tsıfrlyq maınıngke, aýyl sharýashylyǵyna, spýtnıktik baılanysqa salyq salý máselelerin retteý boıynsha normalar kózdelgen.

Budan buryn habarlanǵandaı, Senat tóraǵasy Máýlen Áshimbaev qyzdyrylatyn temeki ónimderine aktsızderdi engizý máselesine qatysty pikir bildirdi.