Ekonomıka mınıstri zeınetaqy neshe paıyzǵa ındeksteletinin aıtty

NUR-SULTAN. QazAqparat – QR Ulttyq ekonomıka mınıstri Álibek Qýantyrov naqtylǵan bıýdjet jobasy boıynsha zeınetaqy men járdemaqy ınflıatsııa deńgeıine qaraı ındeksteletinin rastady, dep habarlaıdy QazAqparat tilshisi.

Bul týraly Úkimet otyrysynan keıin BAQ ókilderiniń suraqtaryna jaýap bere otyryp aıtty.

«Biz ınflıatsııa deńgeıin 8-10 paıyz kóleminde dep aldyq Sonda zeınetaqy men járdemaqy mólsheri shamamen 9 paıyz ındeksteledi», - dedi mınıstr.

Sondaı-aq, ol naqtylǵan bıýdjet boıynsha bir dollardyń baǵasy 460 teńge bolyp belgilengenin eske saldy.

Aıta keteıik, Ulttyq ekonomıka mınıstri jýrnalısterge Ulttyq qordan kepildendirilgen transfertti naqtylaý ne úshin qajet bolǵanyn túsindirdi.

«Birinshiden, bul sharalardan tirnektep jınaǵan qarajattyń túbi kórinip qalmaıdy. Ulttyq qordyń aktıvteri boıynsha burynǵy deńgeıde qalamyz. Onyń ústine biz Ulttyq qordyń jalpy ónimge qatysty tómengi shegin kóteremiz. Bulshama jalpy ishki ónimniń 30 paıyzynan kem bolmaýy kerek. Biz Ulttyq qordan aqshany Memleket basshysynyń qańtardyń basynan beri júktegen tapsyrmalaryn iske asyrýǵa alamyz. Sondaı-aq, túrli baǵdarlamalyq qujattarǵa bólemiz», - dedi Álibek Qýantyrov.