Ekonomıka mınıstri ınvestıtsııa kóleminiń azaıý sebebin túsindirdi

NUR-SULTAN. QazAqparat - Qańtar-sáýir aılarynda Qazaqstanda negizgi kapıtalǵa salynǵan ınvestıtsııalar 0,9%-ke deıin baıaýlady. Bul týraly QR Ulttyq ekonomıka mınıstri Rýslan Dálenov aıtyp berdi, dep habarlaıdy QazAqparat tilshisi.

«Jyldyń alǵashqy tórt aıynda negizgi kapıtalǵa salynǵan ınvestıtsııalar boıynsha 13 óńir ósim kórsetti. Eń joǵary ósý Túrkistan (49,3%) jáne Aqmola (49%) oblystarynda, sondaı-aq Nur-Sultan qalasynda (44,2%) baıqalady», - dedi mınıstr Úkimettiń qańtar-sáýirdegi áleýmettik-ekonomıkalyq damý qorytyndylary týraly otyrysynda.

Sonymen birge, 4 óńirde - Atyraý (-10%) jáne Qyzylorda (-47,1%) oblystary, Shymkent (-7,8%) jáne Almaty (-8,6%) qalalarynda tómendeý baıqalǵan.

«Osy óńirlerdiń úlesi joǵary bolǵandyqtan, bul tómendeý jalpy ınvestıtsııalardyń kólemine áser etti. Sonyń saldarynan negizgi kapıtalǵa salynǵan ınvestıtsııalar 0,9%-ke deıin baıaýlady», - dedi Rýslan Dálenov.