Ekonomıka mınıstri mereke kúnderi azyq-túlik baǵasyn qadaǵalaýdy usyndy

<p>QR Ulttyq ekonomıka mınıstri Álibek Qýantyrov eldegi ekonomıkalyq ósýdi qamtamasyz etý maqsatynda birqatar is-sharany júrgizýge keńes berdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Mereke kúnderi azyq-túlik taýarlarynyń, ásirese áleýmettik mańyzy bar azyq-túlik baǵasynyń ósýine jol bermeý maqsatynda oblystar men respýblıkalyq mańyzy bar qalalardyń ákimderi máseleni erekshe baqylaýǵa alýy qajet. Avarııalyq jaǵdaılardy boldyrmaý úshin jylý elektr ortalyqtary men turǵyn úı-kommýnaldyq sharýashylyǵy jelileriniń úzdiksiz jumysyn qamtamasyz etken jón», - dedi Á. Qýantyrov Úkimettiń búgingi otyrysynda.

Sonymen birge, vedomstvo basshysy bıýdjettik baǵdarlamalar ákimshileriniń qarajattyń tolyq ıgerilýin qamtamasyz etýi kerektigin atap ótti.

«Bıylǵy jylǵa anyqtalǵan ınvestıtsııalyq jobalardy belgilengen merzimde aıaqtaý, jańa ınvestorlardy tartý jáne súıemeldeý jónindegi jumysty jandandyrý qajet. Eksporttaýshylardy qoldaý sharalaryn iske asyrý arqyly otandyq ónim eksportyn belsendi ilgeriletý jónindegi sharalardy iske asyrý kerek», - dedi Álibek Qýantyrov.

Aıta keteıik, bıylǵy 11 aıda Qazaqstan ekonomıkasy 4,9% ósti.

Jyl basynan beri elimizde 15 mln sharshy metr baspana salynyp, paıdalanýǵa berilgen.