Ekonomıka qorshaǵan ortany qorǵaý salasymen úndesýi kerek-ǵalym pikiri

ASTANA. 4 mamyr. QazAqparat /Aıdar Ospanalıev/ - Reseı ekologııa akademııasynyń akademıgi Renat Perelettiń pikirinshe, ekonomıka ekologııamen úılesimin tabýy kerek.

Bul týraly ol IV Astana ekonomıkalyq forýmynyń aıasynda ótip jatqan «Jasyl jelek - Post Kıoto perspektıvasy» atty taqyrypta ótip jatqan paneldik sessııa barysynda aıtty.

Ǵalymnyń sózine qaraǵanda, qazir álemniń barlyq memleketteri dástúrli emes energııa kózderin damytý qajet degen máselemen kelisedi. «Sondyqtan da bolar qazir balamaly energııa kózderin damytýdy kómirtegige baı memleketter de kómirtegisi múldem joq memleketter de qolǵa alýda. Balamaly energııa kózderin damytýǵa osy ýaqytta Reseı de aqyryndap kirise bastady. Sebebi aldaǵy 50 jyldyń shamasynda kómirtegige degen zárýlik bastalady. Al ony almastyratyn ózge qýat túri kerek. Degenmen kómirtegige nemese munaı men gazǵa baı qandaı da bir memlekettiń odan bas tartyp, basqa energııa kózine aýysqan kezin kórgen emespin. Dese de balamaly energııa kózin damytý kerek degen máselemen barlyǵy da kelisip otyr»,-dedi ǵalym.

Onyń pikirinshe, buryndary qorshaǵan ortaǵa tek shyǵyndy qajet etetin sala, sondyqtan qorshaǵan orta ekonomıkanyń bir bóligi degen túsinik bar bolatyn. «Al jasyl jelekti ekonomıkanyń jańa paradıgmasy boıynsha ekonomıka qorshaǵan ortany qorǵaý salasymen úndes bolýy kerek»,- deıdi R.Perelet.