Ekologtardy Jaıyq ózeni sýynyń azıýy alańdatyp otyr

NUR-SULTAN. QazAqparat - Sońǵy jyldary Jaıyq (Oral) ózeni sýynyń azaıyp barady. Osyǵan baılanysty ózenniń ekologııalyq jaǵdaıy erekshe alańdaýshylyq týdyryp otyr, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Ótken ǵasyrdyń 70-jyldarynan bastap Jaıyq ózenindegi sý aǵynynyń kólemi birtindep azaıyp keledi. Munyń birneshe sebepteri bar. Birinshiden, bul Jaıyq ózeniniń basseıninde az sýly kezeń tsıkliniń bastalýyna baılanysty. Bul ózenderdegi sý deńgeıiniń tómendeýi artýyna, basseındegi aǵyndy retteýge, jerdi jyrtýǵa jáne ormandy kesýge baılanysty ózenniń gıdrografııalyq jelisiniń nasharlaýyna áser etetin klımattyq faktorlar.

Jaıyq ózeni basseınindegi sý jaǵdaıyn jaqsartý boıynsha sharalar qabyldaý úshin Reseı tarapymen Jaıyq ózeniniń gıdrologııalyq rejımine birlesken zertteýler júrgizý týraly ýaǵdalastyqqa qol jetkizildi. Osy maqsatta 2020 jylǵy qazanda iri ózender basseınderinde (Jaıyq, Ertis jáne basqalary) zertteýler júrgizý boıynsha yntymaqtastyqty jandandyrýdyń Biryńǵaı jol kartasy jáne onyń tarmaqtarynyń oryndalý merzimderi men olardy uıymdastyrý nysandaryn naqtylaýmen is-sharalardy iske asyrýdyń jumys kestesi bekitildi.

Qazirgi ýaqytta qazaqstandyq jáne reseılik sarapshylar biryńǵaı Jol kartasyn júzege asyrýǵa kiristi.

«Biryńǵaı Jol kartasynyń is-sharalaryn iske asyrý nátıjesinde Jaıyq ózeniniń gıdrologııalyq rejımin jáne ekologııalyq jaǵdaıyn jaqsartýǵa baǵyttalǵan birlesken sharalar qabyldanatyn bolady»,-delingen habarlamada.