Ekologııalyq jaýapkershilik boıynsha munaı-gaz kompanııalarynyń reıtıngi jarııalandy
«Munaı-gaz kompanııalarynyń ekologııalyq jaýapkershiligi BUU-nyń óńiraralyq bólimshesi, Dúnıejúzilik jabaıy tabıǵat qory jáne KREON enerdjı kompanııasynyń yqpalymen elimizde ekinshi ret ótkizilýde. Munaı-gaz salasyndaǵy aqparattyq qoljetimdilikti anyqtaý boıynsha turaqty negizde júrgiziletin jumys jer qoınaýyn paıdalanýshylardyń ekologııalyq jaýapkershiligin arttyrýǵa oń áser etedi», - dedi Astanada ótken jıynda Energetıka vıtse-mınıstri Sábıt Nurlybaı.
Onyń aıtýynsha, 2017 jyldyń qorytyndysy boıynsha reıtıngte birinshi oryn alǵan «QazMunaıGaz» kompanııasy. Ekinshi orynǵa «Qarashyǵanaq Petrolıým Opereıtıng» kompanııasy turaqtasa, úshinshi orynnan «Petro Qazaqstan Qumkól Resorsız» AQ ıelengen.
«2018 jyldyń ekologııalyq is-sharanyń jeńimpazdaryn anyqtaý úshin 19 kompanııa qatysyp otyr. Jalpy, 2018 jyl elimizdiń munaı gaz salalary úshin óte joǵary kórsetkishter boldy. 90 mln tonnadan astam munaı óndirdik. 55 mlrd tekshe metr gaz shyǵaryldy. Osyǵan baılanysty munaı-gaz sektory kompanııalardy óndirý jáne qaıta óńdeýdiń ekologııalyq zııansyz tehnologııalaryn engizýge barlyq múmkindikter bar dep oılaımyz», - dedi vıtse-mınıstr.
Reıtıng boıynsha birinshi jáne ekinshi oryndy bıyl da «QazMunaıGaz» UK» AQ jáne «Qarashyǵanaq Petrolıým Opereıtıng» alyp otyr. Úshinshi orynǵa «Embimunaıgaz» AQ turaqtasa, tórtinshi jáne besinshi orynda «Nort Kaspıan Opereıtıng» jáne «Qarajambasmunaı» AQ. Odan keıingi reıtıngti «Jaıyqmunaı» JShS, «Teńizshevroıl» JShS, «Kaspıı munaı» JShS, «SNPS-Aqtóbemuaıgaz» AQ, «Qazgermunaı» kompanııasy, «Petro Qazaqstan Qumkól Resorsız» AQ, «Qazaqoıl-Aqtóbe» JShS, «Saýts Oıl» JShS kompanııalary jalǵastyrady.