Ekologııalyq tekseris sharalarynyń nátıjesinde 1,8 myńǵa tarta zań buzý deregi anyqtaldy

ASTANA. QazAqparat - Ekojúıeni jaqsartý boıynsha jumystar qabyldanǵan Ekologııalyq kodeks pen bekitilgen «Jasyl Qazaqstan» ulttyq jobasy aıasynda júrgizilýde. Bul týraly Ekologııa vıtse-mınıstri Zýlfııa Súleımenova aıtty, dep habarlaıdy QazAqparat.

Ol bıylǵy birinshi jartyjyldyqta «AMÓZ» JShS, «ALES» AQ, «Kaztsınk» JShS BKMK jáne «AHQZ» AQ iri kásiporyndaryna profılaktıkalyq baqylaý jasalǵanyn da atap ótti. Ekinshi jartyjyldyqta tekserýler basqa kásiporyndarda jalǵasatyn bolady.

«2022 jyldyń alǵashqy 8 aıynda sharýashylyq júrgizýshi sýbektilerge ekologııalyq zańnamany saqtaý boıynsha 969 tekserý júrgizildi. Onyń ishinde, 189 profılaktıkalyq baqylaý, 494 jospardan tys tekserý, 286 ózge nysandy tekser jumystary qolǵa alyndy. Bulardyń nátıjesinde ekologııalyq zańnamany 1787 buzýshylyq anyqtalyp, 885 nusqama berildi. Jalpy somasy 4 334,9 mln teńgege 1563 ákimshilik aıyppul salyndy, onyń ishinde jalpy somasy 1574,2 mln teńgege 1409 ákimshilik aıyppul tólendi», - dedi Z.Súleımenova.

Ákimdikterdiń aqparatynsha, bıylǵy birinshi jartyjyldyqta shamamen 2 mln tonna QTQ qurylǵan, onyń 23%-y qaıta óńdeldi. Respýblıka boıynsha ártúrli kezeńde bólek jınaý 204 qala men aýdannyń 134-inde engizildi, al 96 eldi mekende qoqystar suryptalady.

«Salany damytýdy sapaly josparlaý maqsatynda ákimdikterge qaldyqtardy basqarý jónindegi baǵdarlamany ázirleý usynyldy, ol úshin Ekologııa mınıstrligi ádisnamalyq kómek kórsetetin bolady», - dedi vıtse-mınıstr.