Ekologııalyq zańnamany buzǵan pavlodarlyq kásiporyndarǵa 44 mln teńge aıyppul salyndy
Bul týraly ekologııa departamentinen habarlady.
- Jyldyń alǵashqy 9 aıynda 70 kásipkerlik sýbektisi tekserilip, nátıjesinde ekologııalyq zańnama talaptaryn buzýdyń 98 jaǵdaıy anyqtaldy. Jalpy somasy 44 mln teńgeden astam somaǵa 47 ákimshilik aıyppul salyndy. Departament kemshilikterdi joıý boıynsha 39 uıǵarym berdi, onyń 25-i oryndaldy. Keıbir kásiporynda ruqsat qaǵazdarynyń sáıkes bolmaýy anyqtaldy. Atap aıtqanda, «Aqsý ferroqorytpa zaýyty» AQ jáne «Qurylys materıaldary zaýyty» JShS ekologııalyq ruqsat qaǵazdarynyń bolmaǵany úshin ákimshilik jaýapkershilikke tartyldy,-dep habarlady departamentten.
Pavlodar oblysynyń aýmaǵynda 15 kásiporyn avtomattandyrylǵan monıtorıng júıelerin (AMJ) ornatýǵa mindettelgen. Qazirgi tańda 10 kásiporyn (67%) bul júıelerdi ornatty, olardyń 3-i derekterdi aýdarýmen birge aqparattyq júıege qosyldy. Al bes kásiporyn qosý kezeńinde tursa, bireýi testileý rejıminde.
AMJ-in ornatý talaptaryn saqtamaǵany úshin departament 6 nysanǵa 2 mln teńgege ákimshilik shekteýler qoıǵan.
Eske sala keteıik, Pavlodarda ǵaryshtyq monıtorıng derekteri boıynsha 186 zańsyz qoqys úıindisi joıyldy.