Ekologııa tártibin buzǵandarǵa salynatyn aıyppul 10 esege kóbeıtilmek

NUR-SULTAN. QazAqparat – Qorshaǵan ortaǵa emıssııalar normatıvterin buzǵany úshin ákimshilik aıyppul 10 esege artady. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev málim etti, dep habarlaıdy QazAqparat tilshisi.

«Taldaý kórsetkendeı, tabıǵat paıdalanýshylardyń negizgi zań buzýshylyqtary júıeli negizde jasalady. Kóbinese olarǵa tazartý jabdyqtaryn engizýden jáne qorshaǵan ortaǵa áserdi azaıtýdan góri, aıyppul tóleý tıimdirek. Іlespe zań jobasynyń aıasynda qorshaǵan ortaǵa emıssııalar normatıvterin buzǵany úshin ákimshilik aıyppul 10 esege artady. Qaıta buzylǵan jaǵdaıda – 20 esege kóbeıedi», - dedi mınıstr Májiliste jańa Ekologııalyq kodeks jobasyn tanystyra otyryp.

Onyń sózine qaraǵanda, óndiris jáne tutyný qaldyqtarymen jumys isteýge qoıylatyn talaptardy buzǵany úshin sanktsııalardy qatańdatý kózdelýde.

«Qorshaǵan ortany qorǵaý salasyndaǵy erjeni buzǵany úshin ákimshilik jaýapkershilikke tartý merzimi talaptardy buzýshylyq jasalǵan kúnnen bastap 1 jyldan 3 jylǵa deıin artady. Barlyǵyn qamtý jáne zerthanalyq zertteýlerdiń nátıjelerin alý maqsatynda tekserý merzimi qajet bolǵan jaǵdaıda qosymsha 10 kúnge artýy múmkin», - dedi Myrzaǵalıev.