Ekologııa talaptaryn buzǵan aqtóbelik kompanııalarǵa mıllıard teńge aıyppul salyndy

AQTÓBE. QazAqparat – Aqtóbede qorshaǵan ortany qorǵaý talaptaryn saqtamaǵan óndiris oryndaryna mılılard teńge aıyppul salyndy. Bul týraly oblystyq bas ekologi baspasóz máslıhatynda aıtty, dep habarlaıdy QazAqparat tilshisi.

Aqtóbe oblystyq ekologııa departamenti qalany sý, jylýmen qamtyp, aǵyndy sýdy zalalsyzdandyryp otyrǵan «Aqtobe su-energy group» AQ-yn tekserdi. Káriz tazartý qurylǵysy jáne káriz sorǵylaý stansasy-1, 11 jáne 13 aımaǵynda qaldyqtardy ýaqytsha jınaý jáne saqtaýǵa arnalǵan arnaıy orynnyń joq ekeni anyqtaldy. Nátıjesinde sarqyndy sýlardy óńdeý kezinde shyqqan shlam qurylys, tamaq qaldyqtarymen jáne qatty turtystyq qaldyqpen aralasatyny belgili boldy. Laı tunbasy kádege jaratylmaǵan jáne qaıta óńdelmegen bolyp shyqty. Sonymen birge qaldyqtar jaǵylǵan.

«Sýdy synaý hattamasyna sáıkes №1 sý retteýshi torapqa shyǵarylatyn sý quramynda lastaýshy zat mólsheriniń asyp ketkeni anyqtaldy. Ári departamentke málimet tolyq usynylmaǵan. Tekserý nátıjeleri boıynsha kásiporynǵa qatysty Ákimshilik quqyq buzýshylyq týraly 18 hattama toltyryldy», - dedi oblystyq ekologııa departamentiniń basshysy Talap Usnadın.

Sondaı-aq Aqtóbe oblysy ekologııa departamenti oblys prokýratýrasymen birlesip «GasProcessingCompany» JShS tekserý jumystaryn júrgizdi.«Aýaǵa lastaýshy zattardyń shyǵarǵan, jerdiń lastap, qaldyqtardy durys saqtamaǵan. Tekserý nátıjeleri boıynsha «GasProcessingCompany» JShS-i QR ÁQBtK-niń birneshe baby boıynsha ákimshilik is qozǵalyp, 675 mln teńgeden astam somaǵa aıyppul salyndy. Ákimshilik aıyppul somasy memleket kirisine erikti túrde óndirip alyndy», - dedi Talap Usnadın.