Ekologııa mınıstrliginiń qyzmetkerleri elorda kóshelerin qardan tazalady

NUR-SULTAN. QazAqparat - Ekologııa, geologııa jəne tabıǵı resýrstar mınıstrliginiń ujymy senbide Maǵzum Myrzaǵalıevpen birge Nur-Sultan qalasynda ótkizilgen qar tazalaý aktsııasyna qatysty, dep habarlaıdy qala ákimdiginiń resmı saıty.

#BizBirgemiz chellendjine mınıstrliktiń 200-den astam qyzmetkeri qatysty. «Ekologııa mınıstrliginiń ujymy búgin astanadaǵy qar tazalaý aktsııasyn qoldady. Oń jaǵalaýdaǵy saıabaqty tazarttyq. Bıyl Nur-Sultan qalasynda qar qalyń jaýǵandyqtan, kommýnaldyq qyzmetke kómek kerek-aq. Eriktiler jylynda bul da bir ıgilikti sharýanyń basy boldy. Barshańyzǵa jərdemderińiz úshin myń alǵys!», - dep jazdy vedomstvo basshysy Twitter-degi óz paraqshasynda. Atap aıtqanda, Ekologııa mınıstrliginiń qyzmetkerleriniń kúshimen Kenesary men Respýblıka kósheleriniń qıylysyndaǵy saıabaq qardan tazartyldy. 3 KAMAZ qar shyǵaryldy.

Esterińizge salsaq, jýyrda Qazaqstan Prezıdenti Qasym-Jomart Toqaev qazaqstandyq ərtis Tursynbek Qabatovtyń astana aýlalaryn qardan tazartý týraly usynysyn qoldaǵan bolatyn. «Volonterler jylyndaǵy oryndy bastama», - dep jazdy ol Twitter paraqshasynda.