Ekologııa mınıstrligine ormandy qorǵaýǵa rezervten 1,2 mlrd teńge bólinedi

ASTANA. QazAqparat - Ekologııa jáne tabıǵı resýrstar mınıstrligine 2023 jylǵa arnalǵan respýblıkalyq bıýdjette shuǵyl shyǵyndarǵa kózdelgen Úkimet rezervinen 1 200 628 517 teńge bólinedi. Úkimettiń tıisti qaýlysynyń jobasy «Ashyq» NQA portalynda jarııalandy, dep habarlaıdy QazAqparat tilshisi.

«Qazaqstan Respýblıkasynyń Úkimeti qaýly etedi: Qazaqstan Respýblıkasynyń Ekologııa jáne tabıǵı resýrstar mınıstrligine 2023 jylǵa arnalǵan respýblıkalyq bıýdjette shuǵyl shyǵyndarǵa kózdelgen Qazaqstan Respýblıkasy Úkimetiniń rezervinen 1 200 628 517 teńge somasynda qarajat bólinsin. Onyń ishinde: 939 377 517 teńge ormandardy órtten avıatsııalyq qorǵaý úshin qosymsha 923 ushý saǵatyn satyp alýǵa; 261 251 000 teńge Abaı oblysynda iri órtterdi sóndirý kezinde isten shyqqan órt jáne traktor tehnıkasyn jóndeýge, sondaı-aq janarmaı satyp alýǵa bólinedi», - delingen qujatta.

Bul turǵyda Ekologııa jáne tabıǵı resýrstar mınıstrligine osy qaýlyda qarastyrylǵan tapsyrmalardy oryndaý júkteldi.

Al, Qarjy mınıstrligi zańnamada belgilengen tártippen bólingen qarajattyń maqsatty paıdalanylýyn baqylaıdy.

Osy qaýly qol qoıylǵan kúninen bastap qoldanysqa engiziledi.