Ekologııa mınıstrligi ýtılızatsııalyq alymnyń «qymbattaıtyny» týraly aqparatqa túsinikteme berdi

NUR-SULTAN. QazAqparat – Ekologııa, geologııa jáne tabıǵı resýrstar mınıstrliginiń baspasóz qyzmeti birneshe BAQ-ta ýtlızatsııalyq almy mólsheriniń artatyny týraly jarııalanǵan materıaldarǵa túsinikteme berdi, dep habarlaıdy QazAqparat tilshisi.

«Osy aqparatqa qatysty kelesini habarlaımyz. 31 qańtarda kádege jaratý alymyn qaıta qaraý jónindegi jumys tobynyń 5-shi otyrysy ótti. Bul otyrysta qaptamany, elektrondy ári elektr jabdyqtaryn jáne avtomobıl komponentterin qaıta óńdeý stavkalaryna qatysty máseleler qaraldy», - delingen túsindirmede.

Vedomstvo ókilderiniń aıtýynsha, atalǵan otyrysta qaıta óńdeýshiler ÓKM operatorynan qaldyq tasymaldaýshylarǵa qaraǵanda az qarajat alatyndaryna narazylyq bildirgen. Mınıstr Serikqalı Brekeshev solardyń ýájine jaýap retinde qaıta óńdeýshilerdi yntalandyrý mólsherin ózgertý týraly máseleni qaraýǵa daıyn ekenin bildirgen.

«Talqylaý barysynda mınıstr S.Brekeshev qaıta óńdeýshilerdiń qaıta óńdeýdi yntalandyrý mólsherin ózgertý jónindegi usynysyn qaraýǵa ázirligin bildirdi. Búginde qaptamany kádege jaratý tóleminiń stavkalarynyń koeffıtsıentteri tómen jáne qaldyqtardy jınaýǵa, tasymaldaýǵa jáne qaıta óńdeýge arnalǵan shyǵyndardy ótemeıdi», - dep jazady mınıstrliktiń baspasóz qyzmeti.