Ekologııa mınıstrligi eń ozyq tehnologııasy bar kásiporyndardy emıssııalyq tólemderden bosatýdy usyndy
«Zań jobasynda Salyq kodeksine jáne Salyq kodeksin qoldanysqa engizý týraly zańǵa kelesideı máseleler boıynsha túzetýler kózdelgen. Eń ozyq qoljetimdi tehnologııany engizý arqyly keshendi ekologııalyq ruqsatty alǵan jańa nysandardyń operatorlaryna qatysty emıssııa úshin tólenetin tólemderden bosatý boıynsha tıisti túzetýler usynyldy. Sonymen qosa qoldanystaǵy kásiporyndar úshin de osyndaı tetik qarastyrylǵan. Emıssııa úshin tólenetin tólemderden bosatylýy úshin olar ekologııalyq tıimdilikti arttyrý men eń ozyq qoljetimdi tehnologııany engizý baǵdarlamasyn ázirlep, ony júzege asyrýy qajet», - dedi Parlament Májilisinde Maǵzum Myrzaǵalıev.
Onyń aıtýynsha keshendi ekologııalyq ruqsatty almaǵan birinshi sanattaǵy qoldanystaǵy nysandar boıynsha qorshaǵan ortany lastaǵany úshin tólemaqy mólsherine 2, 4 jáne 8 ese ulǵaıtylǵan koeffıtsıentter qoldanylady.
«Buny keshendi ekologııalyq ruqsatqa kóshýdi yntalandyratyn qosymsha bir shara retinde qarastyramyz. Bul rette birinshi sanattaǵy 50 iri kásiporyndar úshin mundaı ulǵaıtý 2025 jyldan, al birinshi sanattaǵy qalǵan nysandar úshin 2031 jyldan bastalady. Aıta keterligi, 3 jyl saıyn ulǵaıtý koeffıtsıentteri 2 eselenip turady. ıAǵnı, búgingi tańda jumys istep turǵan árbir iri kásiporyn erteń óz erkimen tańdaý jasaıdy. Ne osy qalpynda qorshaǵan ortaǵa keri áser etip, jyldar saıyn eselenetin ekologııalyq tólem tóleıdi. Bolmasa eń ozyq qoljetimdi tehnologııany engizip, lastaýshy keıpinen arylyp, emıssııa úshin tólenetin tólemderden bosatylady», - dedi ol.
Zań jobasy sheńberinde jergilikti máslıhattardyń qorshaǵan ortaǵa teris áser etkeni úshin emıssııa úshin tólenetin tólemaqy 2 esege ulǵaıtý jónindegi quzyretin alyp tastaıtyn túzetý usynylǵan. Sebebi dál osy zań jobasynda ekologııalyq tólemaqynyń bazalyq stavkasy 2 ese ulǵaıtylǵan. Bul degenimiz, burynǵy emıssııa úshin tólenetin 2 eselengen tólemaqy men jańadan engizilgen 2 eselengen bazalyq stavka somasy birdeı degen sóz.