Ekologııa mınıstrligi órtke qarsy 765 tehnıkany lızıngke almaqshy

<p>ASTANA. KAZINFORM &ndash;&nbsp; Ekologııa jáne tabıǵı resýrstar mınıstrligi Kazinform saýalyna joldaǵan jaýabynda &laquo;Jasyl Damý&raquo; aktsıonerlik qoǵamy arqyly&nbsp; lızıngke órtke qarsy neshe tehnıka alatynyn málim etti.</p>

«QR Premer-Mınıstriniń birinshi orynbasarynyń 2024 jylǵy 24 qańtardaǵy tapsyrmasyna sáıkes mınıstrliktiń tabıǵat qorǵaý mekemeleriniń orman órtin sóndirý stantsııalary úshin «Jasyl Damý» AQ arqyly lızıngke alý máselesi pysyqtaldy: 130 órt sóndirý mashınasy, 117 shaǵyn orman órt kesheni, 52 traktor 71 patrýldik avtokólikti jáne 395 birlik órtke qarsy jabdyqty (dıskili tyrmalar, soqalar, tirkemeler jáne basqalar) satyp alý josparlanyp otyr. Bul tabıǵat qorǵaý mekemeleriniń jaraqtandyrylýyn 76%-ǵa deıin jetkizýge múmkindik beredi», - delingen resmı jaýapta.

Bıyl jergilikti ákimdikter de orman sharýashylyqtaryna ondaǵan tehnıka satyp alyp berýge oqtalyp otyr.

«Jergilikti atqarýshy organdar osy jyly jalpy somasy 3,8 mlrd teńgege 13 órt sóndirý mashınasyn, 22 shaǵyn orman órti keshenin, 61 traktordy, 23 patrýldik mashınany jáne 1 júk-jolaýshy avtokóligin, 13 birlik jabdyq pen múkámmaldy, sondaı-aq 105 radıostantsııany satyp alýdy josparlap otyr», - dep jazylǵan mınıstrlik málimetinde.