Ekologııa mınıstrligi ormanshylardy qaıta oqytady

<p>Ekologııa jáne tabıǵı resýrstar mınıstrligi orman jumysshalaryn qaıta daıarlyqtan ótkizedi, dep habarlaıdy<a href="https://kaz.inform.kz/" target="_blank" rel="noopener"> Kazinform</a>.</p>

«Orman órtteriniń aldyn alý maqsatynda órt kezinde jedel áreket etý jáne quzyrly organdarmen ózara is-qımyl algorıtminiń jobasy ázirlendi. Qazir Ekologııa mınıstrligi Tótenshe jaǵdaılar mınıstrliginiń birlesken buıryǵy quzyrly memlekettik organdardyń qaraýynda. Atalǵan joba boıynsha orman kúzeti qyzmetshileri men Tótenshe jaǵdaılar qyzmetkerleri jaǵdaıdy baǵalap, orman órti shyqqan jaǵdaıda qosymsha kúshter tartý týraly dereý sheshim qabyldaý kerek», - degen jaýap berildi Kazinform agenttiginiń resmı saýalyna mınıstrlikten.

Aqparatta aıtylǵandaı, mınıstrlik órttiń aldyn alý jáne onymen kúreste áýe kemeleri, Qorǵanys mınıstrligi, Іshki ister mınıstrligi men Ulttyq qaýipsizdik komıtetiniń bólimshelerin tartý qarastyrylǵan.

«Órtpen kúreste jumysshylardyń bilim deńgeıi men praktıkalyq daǵdylaryn jetildirý maqsatynda oqý baǵdarlamasy ázirlendi. Memlekettik orman kúzeti qyzmetshileriniń biliktiligin arttyrý Tótenshe jaǵdaılar mınıstrliginiń oqý ortalyqtary bazasynda júrgiziledi», - dep túsindirdi vedomstvodan.

Buǵan deıin Semeı ormanynda bolǵan órtten memleketke qansha shyǵyn týraly habarlaǵan edik.

Sondaı-aq Ekologııa mınıstrliginen Semeı ormany órtine jol bergen kináli sheneýnikteriń jazalanýy týraly ǵaıtyldy.