Ekologııa mınıstrligi kıikterdiń Reseıge jappaı aýyp jatqanyn joqqa shyǵardy

<p>Ekologııa jáne tabıǵı resýrstar mınıstrligi áleýmettik jelidegi kıikterdiń jappaı Reseıge aýyp jatqany týraly málimetti teriske shyǵardy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.&nbsp;</p>

«Kıikterdiń Reseı Federatsııasyna (Saratov, Volgograd, Astrahan jáne Orynbor oblystary) jappaı aýyp jatqany týraly málimet rastalmaıdy», - delingen mınıstrliktiń redaktsııa saýalyna joldaǵan jaýabynda.

Sondaı-aq, vedomstvo mamandary kıiktiń maýsym saıyn kóship-qonyp júrýi tabıǵı qubylys ekenin eske salǵan.

Eske salaıyq, 13 qarashadaǵy jaǵdaı boıynsha elimizde kıik sanyn qoldan retteýshiler 11 myń bastan astam kıik atqan.

«2023 jyldyń 13 qarashasyndaǵy málimet boıynsha 15 380 kıik atyldy. Onyń ishinde 3 954 kıik (Aqmola oblysynda 10 kıik, Batys Qazaqstan oblysynda 3944 kıik) arnaıy qorshaýǵa alynsa, atý arqyly 11 426 kıik (Aqmola oblysynda 1833 kıik, Qaraǵandy oblysynda 2049 kıik, Qostanaı oblysynda 1479 kıik jáne Batys Qazaqstan oblysynda 6065 kıik) aýlandy», - dep jazylǵan vedomstvonyń redaktsııa saýalyna joldaǵan jaýabynda.