Ekologııa mınıstri ýtıl alymnyń jumsalýyna qatysty derekter ashyq bolady dedi

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev ýtılızatsııalyq alymǵa qatysty esep-qısap jasalǵanann keıin, tıisti buıyq bekitiletinin aıtty, dep habarlaıdy QazAqparat tilshisi.

Senattaǵy jalpy otyrystan keıin tilshiler mınıstrden ýtılızatsııalyq alym mólsherlemesi tómendegen kezde avtokólik qunynyń arzandaýy múmkindigine qatysty suraq qoıdy.

«Birinshiden, kólik baǵasyn bizdiń mınıstrlik bekitpeıdi, ıaǵnı bizdiń quzyretke jatpaıdy. Bul suraqtar Indýstrııa jáne ınfraqurylymdyq damý mınıstrligine qatysty. Qazirgi kezde Indýstrııa mınıstrligi tıisti esep-qısapty daıyndap jatyr, daıyn bolǵannan keıin ony bizge joldaıdy. Bizdiń vedomstvo osynyń negizinde tıisti buıryqty bekitedi», - dedi S. Brekeshev.

Sonymen qatar mınıstr ýtıl alymnan túsken qarajattyń jumsalýy ashyqtyǵy qalaı qamtamasyz etiletini týraly aıtty.

«Bul másele boıynsha sheshimderdi qoǵamdyqtyq tyńdaýǵa shyǵaryp, onyń nátıjesin jarııalaımyz», - dedi Serikqalı Brekeshev.

Aıta keteıik, bıyl aqpan aıynda QR Premer-Mınıstriniń birinshi orynbasary Roman Sklıar avtokólik jáne aýyl sharýashylyǵy tehnıkasyna kádege jaratý alymy 50 paıyzǵa deıin tómendetiletinin aıtqan edi.

Sonymen qatar búgin senator Álı Bektaev ýtıl alymnan quralǵan qarjyny fermerlerge berýdi usyndy.